1 SAMUEL 14:15 - Biblia Guarani Tumpa Iñee

¹⁵ Jare opaete teyupa pegua reta jare ikatu pe teyupa güi ñogüɨnoi vae reta okɨɨye rai yae. Jaeramiño vi sundaro reta teyupa pegua jare ñeraro regua reta okɨɨye yae reta vi, ɨvɨ okana, jare okɨɨye yae reta.

1 SAMUEL 14:15 ပူးပေါင်းရင်းမြစ်များ

GÉNESIS 35:5

Jare oë reta ma yave joko güi, Tumpa omee okɨɨye yae vaerä opaete tëta iyɨvɨrigua reta, jare mbaetɨ oaɨkuemoña reta Jacob taɨ reta.

2 SAMUEL 5:24

Reendu ɨvɨra reta jäka rupi jɨapu vae yave, eë chupe reta, echa che ajata nderenonde amoamɨri vaerä sundaro filisteo reta.

JOB 18:11

Oipota rupi güi omongɨɨye vae, ombotekuaraita oipota rupi.

SALMOS 14:5

Orɨrɨi reta okɨɨye güi; echa Tumpa oï jupi vae reta ndive.

ÉXODO 19:18

Jare ɨvɨtɨ Sinaí opaetei jätati, echa yandeYa ogüeyɨ jese tata ndive; jare tätati opüa ɨvate, horno güi tätati oë vae rami, jare opaetei ɨvɨtɨ täta yae okana.

DANIEL 5:6

Jayave mburuvicha guasu opa jovaiyu, jare mbaetɨ etei oikuaa mbae jei vaerä, jare jete opa jëogüe, itava oyotaa päve oyoe.

San Mateo 24:6

Peenduta jërakua ñeraro reta. Ërei agüɨye pekɨɨye. Kuae susere reta oyeapo ñotai ko. Ërei ngatu ndei vɨteri ko oväe kañɨtei

JOSUÉ 2:9

—Aikuaa peYa ko omee peve kuae ɨvɨ; echa opaete ore rokɨɨye yae pegüi. Opaete kuae tëta guasu pegua reta okɨɨye yae ko ñogüɨnoi pereko pegua.

JUECES 7:21

Jare metei ñavo vae oyemboɨ sɨmbi jenda ñavo pe teyupa iyɨ́vɨri rupi; jayave opaete tovaicho reta oë osɨi jäse reve otekuarai reta.

1 SAMUEL 13:17

Jare filisteo reta jeyupa güi ñogüɨnoe mboapɨ yemboyao sundaro reta, metei yemboyao yogüɨraja Ofra jape rupi ɨvɨ Sual kotɨ.

1 SAMUEL 13:18

Ïru yemboyao yogüɨraja Bet-horón kotɨ, jare mboapɨa yemboyao yogüɨraja ɨvɨpe kavi Zeboim kotɨ ñuu kotɨ.

1 SAMUEL 13:23

Jare sundaro filisteo reta metei yemboyao, yogüeru oyopia reta tape Micmas kotɨ ojo vae.

1 SAMUEL 14:14

Jae kuae tenondegua ñeraro pe Jonatán jare jembiporu ñeraro pegua ivoɨa, oyuka reta veinte kuimbae ɨvɨ ipɨmiía pe.

1 SAMUEL 14:16

Jare Saúl isundaro omaeäro vae reta oecha Gabaa Benjamín iɨvɨ güi, kërai jeta vae reta opa oñemoai jare oipota rupi yogüɨraja reta.

1 SAMUEL 7:10

Jare Samuel omee oï ramboeve mɨmba oyeyukagüe opaetei oyeapɨ vae, filisteo reta yogüeru oñeraro vaerä Israel iñemuña reta ndive. Ërei yandeYa ombou ararɨapu täta yae vae filisteo reta re, jare opa oiämondo jáeramo Israel iñemuña reta opa omoamɨri.