1 SAMUEL 14:13 - Biblia Guarani Tumpa Iñee

¹³ Jare Jonatán opoñɨ oyeupi, jare jaɨkue ojo jembiporu ñeraro pegua ivoɨa. Jonatán oyuka tëigüe jembiporu ñeraro pegua ivoɨa oyukaete.

1 SAMUEL 14:13 ပူးပေါင်းရင်းမြစ်များ

SALMOS 18:29

Ndeporomborɨ rupi amoamɨrita tovaicho, nde ndive aasata tëta guasu ikësea.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

DEUTERONOMIO 28:7

YandeYa omoamɨrita perovaicho reta yogüeru oporepeña peré vae reta; metei tape rupi yogüeru retata peve, ërei opata oñemoai moai otekuarai pegüi.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!

Hebreos 11:34

ombogüe reta tata yavaetegüe, oasayepe reta kɨsepuku güi, oñemomɨ̈rata reta ipɨtu pɨte pe, imbaepuere yae reta ñeraro pe, opa ombotekuarai tovaicho ketɨgua reta.

JOSUÉ 23:10

Metei kuimbae vaeño pegüi reta ombosɨita mil kuimbae, echa yandeYa Tumpa ko oñeraro perekovia pe, jae jei peve rami.

JUECES 9:54

Abimelec oenɨi aramoete imborɨa yeopiaka ovoɨ chupe vae, jare jei chupe: “Eekɨ ndekɨsepuku jare cheyuka, echa mbaetɨ aipota jei reta vae: ‘Metei kuña pe ko oyeyukauka.’ ”

1 SAMUEL 14:12

Jare jókuae sundaro reta osapúkai Jonatán pe jare jembiporu ñeraro pegua ivoɨa pe jei reve: —¡Peyeupi peyu orekotɨ, oremiarita mbae re peve! Jayave Jonatán jei jembiporu ñeraro pegua ivoɨa pe: —Eyu cheraɨkue, echa yandeYa ko omee Israel iñemuña reta ipo pe.

1 SAMUEL 14:14

Jae kuae tenondegua ñeraro pe Jonatán jare jembiporu ñeraro pegua ivoɨa, oyuka reta veinte kuimbae ɨvɨ ipɨmiía pe.