1 SAMUEL 13:7 - Biblia Guarani Tumpa Iñee

⁷ Jare amogüe hebreo reta oasa ɨ̈aka Jordán, ɨvɨ Gad jare Galaad kotɨ; ërei Saúl opɨtaño Gilgal pe, jare opaete vae reta yogüɨraja jaɨkue orɨrɨi reve okɨɨye güi.

1 SAMUEL 13:7 ပူးပေါင်းရင်းမြစ်များ

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

DEUTERONOMIO 20:8

Jaɨkue rupi mburuvicha reta timiari sundaro reta pe, körai: ‘Oime yave kia okɨɨye jare ipuereä vae, tojo ye jëta pe, agüɨye vaerä ombopɨtu japicha reta.’

DEUTERONOMIO 28:25

YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.

DEUTERONOMIO 3:12

Jare kuae ɨvɨ jókuae ara rupi ñapɨ̈ro vae, Aroer, ɨ̈aka Arnón iyɨ́vɨri oï vae güive, ɨvɨtɨ Galaad mbɨte rupi tëta guasu ndive, amee Rubén iñemuña reta pe jare Gad iñemuña reta pe.

JOSUÉ 13:11

Ɨvɨ Galaad jare tëta Gesur jare Maaca pegua reta iɨvɨ, jare opaete ɨvɨtɨ Hermón, jare opaete ɨvɨ Basán, Salca kotɨ,

JOSUÉ 13:8

Echa Rubén jare Gad iñemuña reta jare Manasés iñemuña reta oyemboyaogüe güɨnoi reta ma iɨvɨ, Moisés omee chupe reta ɨ̈aka Jordán jovaicho kotɨ, kuaraɨ oëa kotɨ.

JUECES 7:3

Jáeramo, añave ere opaete vae pe, kia ñavo okɨɨye yave, toyerova ye jëta kotɨ kuae Galaad iɨvɨtɨ güi.” Jare oyerova ye veintidó mil kuimbae, jare opɨta diez mil.

1 SAMUEL 13:8

Jare jae oäro chiu ara, Samuel jei chupe rami; ërei Samuel mbaetɨ ou Gilgal pe, jare isundaro reta oñemi ma yogüɨraja ye ñogüɨnoi chugüi.

1 SAMUEL 17:11

Saúl jare opaete Israel iñemuña reta oendu jókuae filisteo iñee yave, ipɨa-kërai reta jare okɨɨye yae reta.

1 SAMUEL 31:7

Jare Israel iñemuña reta yogüɨreko ɨvɨtɨ päu ipe kavi vae jovaicho re vae, ɨ̈aka Jordán jovaicho kotɨ, oecha reta Saúl jare taɨ reta omano jare Israel iñemuña reta otekuarai yave, opa oeya reta tëta guasu. Jayave filisteo reta yogüeru yogüɨreko joko pe.