1 SAMUEL 13:6 - Biblia Guarani Tumpa Iñee

⁶ Jare Israel iñemuña reta oecha opaetei oñeova ñogüɨnoi yave, oñemi reta ɨ̈aka-soro rupi, ɨvɨkua rupi, ɨ̈vavira rupi, ita guasu ipäu rupi, ɨrɨru rupi.

1 SAMUEL 13:6 ပူးပေါင်းရင်းမြစ်များ

2 SAMUEL 24:14

Jayave David jei Gad pe: —Mbaetɨ aikuaa mbae ayapo vaerä. Ërei, yandeYa ipo pe yaa vae ko jaekavi, echa tuicha ko iporoparareko, agüɨye yaa kuimbae reta ipo pe.

ISAÍAS 42:22

ërei kuae tëta güi jeta mbae oñemaepɨ̈ro, opaetei oyepɨɨ reta oñeñono tembipɨɨrä ɨvɨkua pe, opa oyokenda oñono tembipɨɨrɨru rupi; oyemombae jese reta, mbaetɨ kia oyora vaerä; opa oipɨɨ güɨraja reta, mbaetɨ kia oñemoë jese reta vaerä.”

JEREMÍAS 41:9

Jókuae ɨrɨru pe Ismael omombo opaete oyukagüe jëogüe vae, jae ko mburuvicha guasu Asa oyapouka vae, Baasa mburuvicha guasu Israel pegua güi oyeepɨ vaerä yave vae. Jae ko ɨrɨru tuicha yae vae, ërei Ismael omotɨnɨe tëogüe pe.

EZEQUIEL 33:27

Ere vi chupe reta: YandeYa Tumpa jei iyé aeño körai: ‘Tëta guasu reta opa oyemboaia rupi yogüɨreko vae reta, omanota ñeraro pe, kaa rupi yogüɨreko vae reta ameeta mbaeporou pe opa vaerä jou, ɨ̈vavira re yogüɨreko vae, ani ɨvɨkua rupi ñogüɨnoi vae reta omanota mbaerasɨ ovakatu vae rupi.

Filipenses 1:23

Mókoi reve jaekavi yae cheve: Aipota amano, Cristo ndive aï vaerä, echa jókuae ikavi yaeta ko cheve.

Hebreos 11:38

opaete kuae reta, mbaetɨ jaekavi yogüɨreko vaerä ɨvɨ pe, oguata yogüɨreko ñuu rupi, ɨvɨtu guasu reta rupi, ɨvɨkua tuicha vae reta rupi, itakua reta rupi.

JOSUÉ 8:20

Jare kuimbae Hai pegua reta oyerova omae jaɨkue kotɨ yave, oecha reta jëta güi opüa tätati ara kotɨ. Mbaetɨ kerupi otekuarai reta vaerä, echa Israel iñemuña reta otekuarai yogüɨraja ñuu kotɨ vae, oyerova chupe reta.

JUECES 10:9

Jare Amón iñemuña reta oasa vi ɨ̈aka Jordán oñoraro vaerä Judá, Benjamín jare Efraín iñemuña reta ndive, jare Israel iñemuña reta ipɨatɨtɨ yae.

JUECES 20:41

Jayave Israel iñemuña reta oporepeña jovaicho reta re, jare Benjamín iñemuña reta okɨɨye echa oikuaa reta iñamɨri ma ñogüɨnoi.

JUECES 6:2

Jare Madián iñemuña reta güɨrekoasɨ katu yae Israel iñemuña reta jeko pegua, opa yogüɨraja oyapo iyeupe oñemi reta vaerä ɨvɨkua rupi, ɨvɨtɨ rupi jare jëguambaea rupi.

1 SAMUEL 13:15

Jayave Samuel oyeupi Gilgal güi Gabaa kotɨ Benjamín iɨvɨ pe. Jare Saúl oipapa jae ndive ñogüɨnoi vae reta seisciento kuimbae.

1 SAMUEL 14:11

Jare jökorai mókoi reve oyeechauka filisteo reta pe. Jare jae reta oecha yave jei: “Mase, pemae hebreo reta oë ɨvɨkua reta güi, oñemi retaa güi.”

1 SAMUEL 14:22

Jökoraiño vi opaete Israel iñemuña reta oñemi yogüɨreko ɨvɨtɨ Efraín pe vae, oendu filisteo reta otekuarai yave, jae reta vi oaɨkuemoña filisteo reta.

1 SAMUEL 23:19

Jare Zif pegua reta yogüɨraja Gabaa pe imiari vaerä Saúl pe, jei reta: —David oime oñemi oï ɨ̈vavira Hores re, ɨvɨtɨ Haquila iyapɨ re, arayevɨ kotɨ.

1 SAMUEL 24:3

Jare jókuae tape rupi ojo oväe metei vecha reta jókai pe yave, oike ɨvɨkuarusu oï joko pe vae pe omaña vaerä. David jare jupiegua reta ñogüɨnoi jókuae ɨvɨkua jugua pe.

1 SAMUEL 31:7

Jare Israel iñemuña reta yogüɨreko ɨvɨtɨ päu ipe kavi vae jovaicho re vae, ɨ̈aka Jordán jovaicho kotɨ, oecha reta Saúl jare taɨ reta omano jare Israel iñemuña reta otekuarai yave, opa oeya reta tëta guasu. Jayave filisteo reta yogüeru yogüɨreko joko pe.

1 SAMUEL 7:7

Jare filisteo reta oikuaa yave Israel iñemuña reta ñogüɨnoi Mizpa pe, filisteo juvicha reta isundaro reta ndive opüa Israel iñemuña reta re. Jare jae reta okɨɨye filisteo reta güi.