1 SAMUEL 13:4 - Biblia Guarani Tumpa Iñee

⁴ Jare opaete Israel iñemuña reta oendu jei reta vae: “Saúl oporepeña filisteo reta jeyupa re; jare jókuae re Israel iñemuña reta oñemotareɨuka filisteo reta pe.” Jare opaete Israel iñemuña reta oyemboatɨ Saúl ndive Gilgal pe.

1 SAMUEL 13:4 ပူးပေါင်းရင်းမြစ်များ

GÉNESIS 34:30

Jayave Jacob jei Simeón jare Leví pe: —Pe reta cheñono ikavimbae pe. Añave kuae tëta pegua Cam iñemuña reta jare ferezeo reta chemotareɨta. Oyomboatɨta jare opüata cheré, echa mbovɨ yae kuimbae reta anoi vae jeko pegua cheyukata jare opaete chero pegua reta.

GÉNESIS 46:34

Jayave pere chupe: —Ore nderembiokuai reta jare oreñemuñagüe reta mbaemɨmba iya ko oretaɨrusu güive voi. Jökorai pepuere vaerä peiko ɨvɨ Gosén pe, echa Egiptoɨgua reta pe ikaviä ko yogüɨreko päve vaerä vecha iyangarekoa reta ndive.

2 SAMUEL 10:6

Jare Amón iñemuña reta oikuaa oñemotareɨuka yae David pe ramo, omondo güeruruka omboepɨ reve sundaro reta Siriaɨgua Bet-rehob pegua jare Soba pegua, veinte mil kuimbae reta ɨvɨ rupigua, jare mburuvicha guasu Maaca pegua mil kuimbae ndive, mburuvicha guasu Is-tob pegua doce mil kuimbae ndive.

ÉXODO 5:21

jare jei reta chupe: —YandeYa tomae peyapogüe re jare tapejäa; echa pe reta oremotareɨuka Faraón pe jare jembiokuai reta pe, kɨsepuku peñono ipo pe rami ko, oreyukauka vaerä.

ZACARÍAS 11:8

Jare metei yasɨ pe mboapɨ maangarekoa amboai, echa mbaetɨ ma chepɨaguasu ikotɨ reta, chereröɨro reta jeko pegua.

JOSUÉ 5:9

Jare yandeYa jei Josué pe: “Kuae rupi ambosɨrɨ pegüi Egiptoɨgua reta opuka omae peré vae.” Kuae jeko pegua jee Gilgal añave rupi.

1 SAMUEL 10:8

Javoi ekua cherenonde Gilgal pe; jayave che ajata ndépɨri amee vaerä mɨmba oyeyukagüe opa etei oyeapɨ vae, jare mɨmba oyeyukagüe yembopɨakatu pegua. Reärota chiu ara, che aja aväe ndépɨri regua, jare amombeuta ndeve mbae ko reyapota vae.

1 SAMUEL 27:12

Jare Aquis güɨrovia katu David, jare oyemongeta jei: “David oñemotareɨuka ma ko jëtaɨgua Israel iñemuña reta pe, jaema ko oiko aveita cherembiokuairä.”