1 SAMUEL 13:13 - Biblia Guarani Tumpa Iñee

¹³ Jayave Samuel jei Saúl pe: —¡Mbaetɨ etei jaekavi kuae reyapogüe! Mbaetɨ reñovatu yandeYa Tumpa iporookuai, ndeokuai jese vae; echa añave omoañete eteta tëi ko ndeporookuaía Israel re jekuae avei pegua.

1 SAMUEL 13:13 ပူးပေါင်းရင်းမြစ်များ

GÉNESIS 31:28

Mbaetɨ ave remaeño aovapɨte cherayɨ reta ani cherɨmɨmino reta yepe. Kuae reyapo, yarakuaambae vae rami.

2 SAMUEL 24:10

Ërei David opa güire oyapo kuae yepapa, ou jasɨ ipɨa pe kuae oyapogüe, jare oyemombeu Tumpa pe körai: —CheYa, cheyoa ko tuicha ayapo ramboeve kuae. Ërei romoñera añave neɨ̈ro vaerä cheve cheyoa re, echa ayapo ko iyarakuaambae rami.

1 REYES 18:18

Jare Elías jei chupe: —Che mbaetɨ ko aiporarauka Israel pegua reta, nde, nderaɨ reta jare nerëtara ko, echa peeya yandeYa iporookuai reta, jare pemboete baal reta.

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

2 CRÓNICAS 16:9

Echa yandeYa omae opaete ɨvɨ re, jae omborɨ ipɨa jupi rupi oiko chupe vae. ¡Kuae reyapo iyarakuaambae rami! Echa kuae güi tenonde kotɨ oimeta ndekotɨ jeta ñeraro.”

2 CRÓNICAS 19:2

Jare mbae re oecha voi vae Jehú, Hanani taɨ oë oövaiti jare jei chupe: “¿Maera pa remborɨ jeko kavimbae, reñemoïru güɨröɨro yandeYa vae reta ndive? Kuae jeko pegua yandeYa iyarasɨ ndeve.

JOB 34:18

Mburuvicha guasu reta jare mburuvicha reta ipɨapochɨ, Tumpa jeita chupe reta jova pe etei.

PROVERBIOS 12:8

Kuimbae oyemboeteuka iyarakuaa katu güɨnoi rupi, ërei ipɨapochɨ vae, oñereröɨrouka vaeräño ko.

PROVERBIOS 19:3

Kuimbae opia jape güi, mbaetɨ yarakuaa jeko pegua, javoi iyarasɨ yandeYa kotɨ.

ISAÍAS 39:5

Jayave Isaías jei mburuvicha Ezequías pe: —Eendu yandeYa Imbaepuere yae ete vae iñee, jei körai:

JEREMÍAS 18:10

Ërei jókuae tëtaguasu reta oyapo ikavimbae jare mbaetɨ oendu reta jaegüe yave, ngaraa ma ambou chupe reta mbae ikavi vae amokätɨro ambou vaerä chupe reta vae.

1 SAMUEL 1:22

Ërei Ana mbaetɨ ojo, jei ime pe körai: —Che mbaetɨta aja kunumi raɨ okambu poi regua, jayave ramo araja voi vaerä aeya yandeYa ipo pe, jare opɨta ete vaerä oiko joko pe.

1 SAMUEL 13:12

jae cheyeupe: “Yogüeruta añave filisteo reta cheve kuae Gilgal pe, jare che mbaetɨño ayerure cheYa pe iporerekua re.” Jókuae jeko pegua ko ayemongeta amee vaerä mɨmba oyeyukagüe opaetei oyeapɨ vae.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.

1 SAMUEL 15:28

Jayave Samuel jei chupe: —Körai yandeYa omondoro añave ndeporookuaía Israel iñemuña reta güi, jare omee metei nerëtaɨgua pe, jeko kavi yae ndegüi vae pe.

1 SAMUEL 16:1

YandeYa jei Samuel pe: —¿Kërai yave regua pa reäpirota Saúl? Che aröɨrogüe ma ko, agüɨye vaerä güɨnoi iporookuaía Israel iñemuña reta re. Emotɨnɨe vecha kuimbae-räti asaite pe, jare eyu, romondota Isaí pɨri Belén pe, echa taɨ reta güi aiparavo cheyeupe mburuvicha guasurä.

1 SAMUEL 26:21

Jayave Saúl jei: —¡Ayapo mbaeyoa! ¡Yaja ye cherupíe cheraɨ David, mbaetɨta mbae ikavimbae ayapo ndeve, echa nde mbaetɨ mbae reyapo cheve, che ayapo mbae aikuaambae reve, jare ayavɨ tuicha rupi!