1 SAMUEL 12:22 - Biblia Guarani Tumpa Iñee

²² Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.

1 SAMUEL 12:22 ပူးပေါင်းရင်းမြစ်များ

1 REYES 6:13

jare aikota pɨpe Israel iñemuña reta ipɨte pe, mbaetɨta aeya tëta chembae Israel.”

1 REYES 8:57

Toï yande ndive yandeYa Tumpa, ñaneñemuñagüe reta ndive oikose rami. Agüɨye tosɨrɨ ani tiyandereeya.

2 REYES 14:27

YandeYa mbaetɨ jei opa vaerä omokañɨtei Israel jee kuae ɨvɨ güi; jáeramo oepɨ reta Jeroboam, Joás taɨ rupi.

2 REYES 21:14

Jare opaete chembae vae reta jembɨregüe aeyata iyangarekoambae, ameeta jovaicho reta ipo pe, opa vaerä oyemombouka opaete jovaicho reta pe.

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

NEHEMÍAS 9:17

Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

SALMOS 106:8

Ërei Tumpa güɨroasayepe, oaɨu jee ramo; oechauka vaerä imbaepuere.

SALMOS 94:14

YandeYa ngaraa oeya imbae vae reta, ngaraa oeya iyangarekoambae imbae vae reta.

ÉXODO 32:12

¿Remaeñota pa Egiptoɨgua reta jei: “Ikavimbae oyapo chupe reta vaeräño opa güɨnoe, opa vaerä oyuka ɨvɨtɨ re, opa vaerä omboai ɨvɨ iárambo güi”? Agüɨye ndearasɨ, eipoepɨ ndeyemongeta, ikavimbae reyapota ndembae vae reta pe vae.

ISAÍAS 37:35

Echa che ko ayangarekota kuae tëta guasu re, aroasayepe vaerä, che ayeaɨu jeko pegua, jare cherembiokuai David aaɨu jeko pegua.’ ”

ISAÍAS 41:17

Paravete vae reta oeka tëi ɨ, ërei mbaetɨ oväe. Ikü otini iɨuve güi; ërei che, peYa ayemoambekota jese reta, che, Israel iTumpa, ngaraa aeya reta.

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

ISAÍAS 43:7

opaete jókuae cheree güɨnoi vae reta, jókuae ayapo jupi reta ayemboeteuka vaerä vae.’

ISAÍAS 48:11

Ayeaɨu jeko pegua ayapo jókuae, agüɨye vaerä oyemongɨa cheree. Mbaetɨta amaeño oñemee cheyemboetea ïru vae pe.”

ISAÍAS 49:15

¿Kuña iñakañɨta ra imembɨ güi, ani ikueraita ra oaɨu? Yepe tëi kuña iñakañɨ imembɨ güi, ërei che ngaraa cheakañɨ ndegüi.

ISAÍAS 63:8

Echa jae jei: “Añetete chembae vae reta ko, cheraɨ mbaetɨ yapu vae reta.” Jae ko güɨroasayepe reta,

JEREMÍAS 14:21

¡Nderee reaɨu jeko pegua, agüɨye oremombo; agüɨye eröɨro tëta guasu ndeporookuaía mbaemboete pegua oïa! ¡Nemaendúa morogüɨrökuavee päve reyapo ore ndive vae re, agüɨye emboasaiño jökorai!

JEREMÍAS 14:7

¡CheYa, yepe tëi oreyoa oremboeko, eyapo oreve nderee reaɨu vae jeko pegua! Echa jeta yae orepɨapochɨ ndekotɨ, oreyoa ko ndekotɨ.

JEREMÍAS 14:9

¿Maera pa reï metei kuimbae ipɨakañɨiño omae ngatu vae rami, metei ñeraro regua jëia vae mbaetɨ oporoepɨ rami? Ërei, nde cheYa reï ore ndive, opaete vae oikuaa ndembae vae reta ko ore; ¡agüɨye orereeya!

LAMENTACIONES 5:20

¿Maera pa neakañɨ etei oregüi? ¿Maera pa ɨma yae orereeya?

EZEQUIEL 20:14

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

EZEQUIEL 20:9

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, jókuae yogüɨrekoa rupi, echa jae reta jovake ayekuaauka chupe reta jare arökuavee anoe reta vaerä Egipto güi.

MALAQUÍAS 1:2

YandeYa jei: “Che poaɨu ko.” Ërei pere: “¿Kërai pa oreraɨu?” YandeYa jei ye: “¿Esaú jaeä pa Jacob tɨkeɨ? Aɨu Jacob

San Mateo 11:26

Ikavi ko cheRu. Echa jökorai ko jaekavi ndeve.”

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

Romanos 11:1

Añave taparandu: ¿Tumpa omombo ra tëta imbae vae? ¡Mbaetɨ ko! Echa che vi ko jae metei Israel pegua, Abraham iñemuña, Benjamín iñemuña pegua.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

1 Corintios 4:7

Echa ¿kia pa ndembotuicha yae ïru güi? ¿Mbae pa renoi Tumpa omeeä ndeve reve? Tumpa ko omee ndeve opaete renoi vae. Jáeramo ¿maera pa reyemboete, ndeyeugüi aeño renoi rami?

Efesios 1:12

Oyemboeteuka vaerä ore rupi, ore räri Cristo re rogüɨrovia vae reta rupi.

Efesios 1:6

ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;

DEUTERONOMIO 14:2

Echa pe tëta oñeñono tee yandeYa Tumpa pe vae ko, jae ko peparavo imbaerä opaete tëta reta ɨvɨ pegua güi.

DEUTERONOMIO 31:17

jókuae ara chearasɨta chupe reta, aeya retata, ayerovata chugüi reta jare oiporara yae jeta mbaembae ikavimbae vae jeko pegua jei retata jókuae ara: ‘¿Mbaetɨ ma ndipo ñaneTumpa oï yande ndive, jáeramo yaiporara kuae mbaembae reta?’

DEUTERONOMIO 31:6

Peñemomɨ̈rata jare peñemoäta ngatu; agüɨye pekɨɨye; agüɨye pekɨɨye chugüi reta, echa yandeYa Tumpa ko oï pe ndive; ngaraa pereeya peangarekoambae.”

DEUTERONOMIO 31:8

YandeYa ojota nderenonde; jae oïta nde ndive, ngaraa ndereeya, ngaraa ndereeya iyangarekoambae; agüɨye ekɨɨye jare agüɨye ndepɨa kɨɨye.”

DEUTERONOMIO 7:6

Echa pe reta ko jae tëta oñeñono tee yandeYa Tumpa peguarä vae; yandeYa Tumpa ko peparavo, peiko vaerä chupeguarä metei tëta ikavi yae vae, opaete ïru tëta reta kuae ɨvɨ pe ñogüɨnoi vae güi.

DEUTERONOMIO 9:5

Mbaetɨ ko pe jupi yae ani pepɨa isɨmbi yae ramo peiketa pepɨ̈ro ɨvɨ pembaerä, jókuae ɨvɨ pegua reta jeko kavimbae vae jeko pegua ko yandeYa Tumpa omoë omombo peróvai güi, omoañete vaerä yandeYa iñee jei jee re ae peñemuñagüe Abraham, Isaac jare Jacob pe vae.

Filipenses 1:6

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

JOSUÉ 7:9

Echa cananeo reta jare opaete kuae ɨvɨ ipo reta oendu yave kuae, yatɨta oreöva, jare opaeteita oremokañɨtei reta. Jökorai yave, ¿mbae pa nde reyapota nderee tuicha yae vae pe?

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.