1 SAMUEL 12:18 - Biblia Guarani Tumpa Iñee

¹⁸ Jare Samuel oyerure yandeYa pe, jare yandeYa ombou omongɨ jare ararɨapu, jare opaete vae okɨɨye yae yandeYa güi jare Samuel güi.

1 SAMUEL 12:18 ပူးပေါင်းရင်းမြစ်များ

1 REYES 18:42

Acab ojo okaru jare jou vino. Jare Elías oyeupi ɨvɨtɨ Carmelo iyapɨte re, jare oyetavatɨka itindɨasɨ ɨvɨ re, oñono jova itava ipäu pe.

ESDRAS 10:9

Jökorai opaete kuimbae reta Judá pegua jare Benjamín pegua reta oyemboatɨ mboapɨ araa pe Jerusalén pe, veinte ara chau yasɨa re. Jare opaete oguapɨ reta Tumpa itupao joka pe, orɨrɨi reta okɨɨye güi jare omborɨrɨi reta ama okɨ vae.

JOB 37:13

Opaete kuae reta rupi Tumpa oiporarauka ɨvɨ pe, ani oechauka vaerä ipɨakavi.

SALMOS 99:6

Moisés jare Aarón ñogüɨnoi isacerdote reta ndive; jare Samuel oï ombaemboete vae reta ndive. YandeYa ombopo yepi jae reta iyerure.

ÉXODO 14:31

Jare Israel iñemuña reta oecha jókuae mɨakañɨ tuicha yae yandeYa oyapo Egiptoɨgua reta kotɨ vae; jayave jae reta oipoɨu yandeYa güi, jare güɨrovia reta yandeYa re jare jembiokuai Moisés re.

JOSUÉ 10:12

Jókuae ara, yandeYa omee amorreo reta Israel iñemuña reta ipo pe yave, Josué jei yandeYa pe opaete Israel iñemuña reta jovake: “Kuaraɨ, epɨta Gabaón pe; yasɨ, epɨta ɨvɨtɨ päu Ajalón pe.”

JOSUÉ 4:14

Jókuae ara yandeYa ombotuicha Josué opaete Israel iñemuña reta jóvai; jare oipoɨu reta chugüi opaete oikove oiko ramboeve, Moisés güi oipoɨu reta rami.