1 SAMUEL 12:17 - Biblia Guarani Tumpa Iñee

¹⁷ Añave, trigo yagüɨye iara ko. Ërei ayerureta yandeYa pe, jare jae ombouta ama jare ararɨapu, peikuaa vaerä tuicha yae ko ikavimbae peyapo peiporu ramboeve peruvicha guasurä.”

1 SAMUEL 12:17 ပူးပေါင်းရင်းမြစ်များ

SALMOS 99:6

Moisés jare Aarón ñogüɨnoi isacerdote reta ndive; jare Samuel oï ombaemboete vae reta ndive. YandeYa ombopo yepi jae reta iyerure.

ÉXODO 32:30

Jare pɨareve pe Moisés jei opaete vae pe: —Pe reta peyapo mbaeyoa ikavimbae yae ete vae, ërei añave che ajata yandeYa pɨri, güɨramoi amoɨ̈ro peve peyoa re.

PROVERBIOS 26:1

Araku iara pe mbaetɨ ikavi iroɨ, jare mbaarɨvo iara pe mbaetɨ ikavi ama; jökorai ko mbaetɨ ikavi yarakuaambae, oyemboeteuka vaerä.

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JOSUÉ 10:12

Jókuae ara, yandeYa omee amorreo reta Israel iñemuña reta ipo pe yave, Josué jei yandeYa pe opaete Israel iñemuña reta jovake: “Kuaraɨ, epɨta Gabaón pe; yasɨ, epɨta ɨvɨtɨ päu Ajalón pe.”

1 SAMUEL 12:13

Añave, ko oï mburuvicha guasu peiparavogüe, pe reta peiporu vae; yandeYa oñono peve peruvicha guasurä vae.

1 SAMUEL 12:19

Jayave opaete vae jei Samuel pe: —Eyerure yandeYa pe ore nderembiokuai reta re agüɨye vaerä romano; echa romoïru yé oreyoa reta roiporu kuae mburuvicha guasu vae pe.

1 SAMUEL 2:10

YandeYa omoamɨrita jovaicho reta, yavaete yaeta ama-tiriri rami. YandeYa ojäata opaete ɨvɨ pegua reta; omeeta mbaepuere jae oiparavo mburuvicharä vae pe jare jae ombotuichata imbaepuere.”

1 SAMUEL 7:5

Jare Samuel jei: “Pemboatɨ opaete tëta Israel iñemuña reta Mizpa pe, ayerureta peré yandeYa pe.”

1 SAMUEL 8:6

Ërei Samuel pe mbaetɨ jaekavi jókuae mburuvicha jae reta oiporu vae. Jare Samuel oyerure yandeYa pe.

1 SAMUEL 8:7

Jare yandeYa jei Samuel pe: “Eendu opaete vae reta jei ndeve vae; echa ndeä ko nereröɨro reta, che ko chereröɨro reta, agüɨye vaerä ma aiko jae reta juvicharä.