1 SAMUEL 12:12 - Biblia Guarani Tumpa Iñee

¹² Ërei peecha oporepeña peree mburuvicha guasu Nahas Amón pegua yave, peiporu cheve peruvicha guasurä, pereroata vaerä, oime reve peYa Tumpa peruvicha guasurä.

1 SAMUEL 12:12 ပူးပေါင်းရင်းမြစ်များ

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

SALMOS 74:12

Arakae güive nde Tumpa, jae ko cheruvicha guasu, ɨvɨ pe jeta reporogüɨroasayepe vae ko nde.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

JEREMÍAS 40:11

Jökorai vi opaete Judáɨgua reta ñogüɨnoi Moab pe vae, jare Amón iñemuña reta ipɨte pe vae, jare Edom pe, jare ïru ɨvɨ pe ñogüɨnoi vae reta oikuaa mburuvicha guasu Babilonia pegua omaeño amogüe Judáɨgua opɨta iɨvɨ pe, jare oñono oeya Gedalías tëta ruvicharä chupe reta vae.

OSEAS 13:10

¿Ketɨ pa oime oï peruvicha guasu, pereroasayepe vaerä opaete perëta guasu reta ndive? ¿Ketɨ pa oime ñogüɨnoi peruvicha reta, chupe reta peiporu mburuvicha guasu jare mburuvicha reta vae?

NÚMEROS 23:21

Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

JUECES 8:23

Ërei Gedeón jei chupe reta: —Che, ani cheñemuña reta ave ngaraa roiko peruvicharä YandeYa ko peruvicha.

JUECES 9:18

ërei ngatu pe reta peñemopüa cheru jo pegua reta re, opa peyuka taɨ reta setenta vae meteia ita reño; jare perëtara Abimelec pemboguapɨ mburuvicha guasurä Siquem pegua reta re.

1 SAMUEL 10:19

Ërei añave pe reta peröɨro peTumpa, opaete mbɨatɨtɨ jare mbaeporara reta güi peñovatu vae, echa peiporu peruvicha guasurä. Añave, peyemboatɨ yandeYa jóvai, peñemuña ñavo rupi jare peñoëtara vae ñavo rupi.

1 SAMUEL 8:3

Ërei mbaetɨ omomoe reta tu jeko, imbae potarai yae reta, korepoti oipɨɨ vɨari reta, güɨrokomegua reta teko jupi vae.