1 SAMUEL 12:10 - Biblia Guarani Tumpa Iñee

¹⁰ Jare jae reta güɨroäse jare jei reta yandeYa pe: ‘Oreyoa echa rosɨrɨ ndegüi oreYa jare romboete tumpa-raanga Baal reta jare Astarot, orereepɨ orerovaicho reta ipo güi, jare toroyeokuai ndeveño.’

1 SAMUEL 12:10 ပူးပေါင်းရင်းမြစ်များ

SALMOS 106:44

Ërei jeseve, omae jese reta oiporara reta ñogüɨnoi yave, jare oendu chupe reta iyerure ipɨatɨtɨ reve vae,

ISAÍAS 26:16

CheYa, reiporarauka oreve yave, roeka, orenupa yave, royerure.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

JOSUÉ 13:31

jare Galaad mbɨte rupi, jare tëta guasu Astarot jare Edrei, tëta guasu reta Basán pegua Og imbae. Opaete kuae ɨvɨ jae ko Manasés taɨ, Maquir iñemuña reta oyemboyaogüe peguarä, jëtara ñavo rupi.

JUECES 10:10

Jayave oyerure reta yandeYa pe omborɨ reta vaerä, jare jei reta: “OreTumpa, oreyoa ndekotɨ, echa rosɨrɨ ndegüi jare rojo romboete jare royeokuai baal reta pe.”

JUECES 2:11

Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

JUECES 2:13

Oeya reta yandeYa jare omboete reta tumpa-raanga Baal jare Astarot.

JUECES 3:15

Jare oyerure reta mbɨatɨtɨ ndive yandeYa pe; jare yandeYa omopüa chupe reta metei oporoepɨ vae, jae ko Aod iyasu vae, Gera taɨ, Benjamín iñemuña pegua. Metei ara Israel iñemuña reta omondo jae ndive mbaemboepɨ Eglón mburuvicha guasu Moab pegua pe.

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.

JUECES 3:9

Jayave Israel iñemuña reta oyerure mbɨatɨtɨ ndive yandeYa pe; jare yandeYa omopüa metei mburuvicha chupe reta, jare jae oepɨ reta; jae ko Otoniel, Cenaz taɨ. Cenaz jae ko Caleb tɨvɨ.

JUECES 4:3

Jabín güɨnoi noveciento käretou jiero pegua, jare veinte año rupi oiporarauka yae Israel iñemuña reta pe. Jayave Israel iñemuña reta oyerure mbɨatɨtɨ ndive yandeYa pe.

JUECES 6:7

Israel iñemuña reta oyerure ma yandeYa pe yave, oyora Madián iñemuña reta ipo güi.

1 SAMUEL 7:2

YandeYa ikäjou oyereru güire Quiriat-jearim pe, oasa veinte año rupi; jare Israel iñemuña reta ipɨatɨtɨ reve oeka yandeYa.

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.