1 SAMUEL 11:6 - Biblia Guarani Tumpa Iñee

⁶ Saúl oendu yave kuae ñee reta, Tumpa iEspíritu ogüeyɨ jese mbaepuere ndive, jare täta yae iyarasɨ.

1 SAMUEL 11:6 ပူးပေါင်းရင်းမြစ်များ

ÉXODO 32:19

Jare Moisés ou ma oväe teyupa pe yave, oecha toro taɨrusu vae iä, jare güɨropo ñogüɨnoi vae, jare Moisés ou iyarasɨ jare oitɨ ɨvɨ re mókoi ita ipe vae güerugüe, opa oyoka ɨvɨtɨ igüɨ pe;

NÚMEROS 12:3

Jare jókuae kuimbae Moisés ipɨaguasu yae vae ko, opaete kuimbae reta ɨvɨ pegua güi.

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

Efesios 4:26

Pearasɨ yave, agüɨye peyoa. Agüɨye kuaraɨ toike peve pearasɨ reve.

JUECES 11:29

Jare yandeYa iEspíritu ou Jefté re, jare jae oasa Galaad jare Manasés rupi, jare oasa vi Mizpa Galaad pegua rupi oike vaerä ojo Amón iñemuña reta iɨvɨ pe.

JUECES 13:25

Jare metei ara Sansón oï Dan iñemuña reta jeyupa pe Zora jare Estaol ipäu pe yave. YandeYa iEspíritu omboɨpɨ oparavɨkɨ jese.

JUECES 14:6

Jayave yandeYa iespíritu ou Sansón re, jare jae opa omondoo ndoo ipo pe etei yaguapope kavara raɨ rami; ërei jókuae mbaetɨ omombeu tu jare ichɨ pe.

JUECES 15:14

Yogüeru oväe reta Lehi pe yave, filisteo reta oë chupe osapúkai reve oyerovia güi. Ërei yandeYa iespíritu ou jese, jare omondoo tɨmasa reta oyeokua pɨpe vae opa ókai rami;

JUECES 3:10

Jare yandeYa iEspíritu ou Otoniel re omboarakuaa katu vaerä, jare jae ojo Israel iñemuña reta jenonde, ñeraroa pe, jare yandeYa omee ipo pe Cusan-risataim, mburuvicha guasu Siria pegua, jare güɨnoi mbaepuere jese.

JUECES 6:34

Jayave, yandeYa iEspíritu ou Gedeón re jare jae omoñee mimbɨ vecha kuimbae-räti yave Abiezer iñemuña reta oyomboatɨ jae ndive.

1 SAMUEL 10:10

Jare opa yogüɨraja reta oväe jókuae ɨvɨtɨ oïa pe yave, ko jókuae mbovɨ ete ñeemombeúa reta vae oñoövaiti jae ndive, jare Tumpa iEspíritu ou jese mbaepuere ndive, jare omombeu Tumpa iñee jae reta ndive.

1 SAMUEL 10:6

Jare Tumpa iEspíritu outa nderé mbaepuere ndive, jare remombeuta jae reta ndive Tumpa iñee; jare oipoepɨta ndeyemongeta.

1 SAMUEL 16:13

Jare Samuel oipɨɨ vecha kuimbae-räti asaite güɨnoi pɨpe vae, jare opɨyere jese oñono tee vaerä tɨkeɨ reta jóvai; jare jókuae ara güive yandeYa iEspíritu ou David re. Javoi Samuel opüa jare oyerova ye ojo Ramá kotɨ.

1 SAMUEL 16:14

Jare yandeYa iEspíritu osɨrɨ Saúl güi, jare yandeYa omaeño espíritu ikavimbae vae oya Saúl re ombopɨakaviä vaerä.