1 SAMUEL 11:11 - Biblia Guarani Tumpa Iñee

¹¹ Jare pɨareve pe, Saúl oyapo mboapɨ yemboyao sundaro reta, jare ndei köe mbove oike reta jovaicho reta jeyupa mbɨte pe, jare oyuka Amón iñemuña reta kuaraɨ ara mbɨte regua. Jare jembɨregüe reta opa otekuarai, oñemoai jae jae aeño, mbaetɨ opɨta päve vae.

1 SAMUEL 11:11 ပူးပေါင်းရင်းမြစ်များ

GÉNESIS 22:14

Abraham ombojee jókuae ɨvɨ: “YandeYa ko omeeta mbae oata vae.” Jáeramo jókuae güive añave rupi jei reta: “YandeYa iɨvɨtɨ re omeeta mbae oata vae.”

2 SAMUEL 18:2

Javoi omondo mbɨte seri sundaro reta Joab jupíe, ïru mbɨte seri Abisai jupíe, jare ïru mbɨte seri Itai, Gat pegua jupíe. Jare jei opaete sundaro reta pe: —Che ajata vi ñeraroa pe perupíe.

SALMOS 46:1

Tumpa ko ñepɨ̈roa jare yeepɨka, mbɨatɨtɨ iara pe yandemborɨ jarembae voi vae.

ÉXODO 14:24

Jare köe ma ou yave yandeYa omae Egiptoɨgua reta kotɨ jókuae amapɨtu güi, metei jɨsɨ tata vae güi, jare ombopɨajopa Egiptoɨgua reta,

San Mateo 7:2

Echa pemboeko rami etei, peyemboekoukata vi. Jaeramiño vi kërai ïru vae pe peyapo rami, oyapota vi peve.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

JUECES 1:7

Jayave Adoni-bezec jei: “Tenonde yave che ayasɨa setenta mburuvicha guasu reta ipoäka guasu jare ipɨ̈sa guasu, jare chemesa güi cherembíu osururugüe jou reta yepi, jókuae ayapo chupe reta rami etei Tumpa oyapo vi cheve.” Jare güɨraja reta Jerusalén pe, joko pe omano.

JUECES 4:16

Ërei Barac omoña käretou reta jare sundaro reta Haroset-goim pe regua. Jókuae ara opaetei Sísara isundaro reta omano kɨsepuku pe, mbaetɨ etei jembɨre metei yepe.

JUECES 7:16

Jare omboyao jókuae tresciento kuimbae mboapɨ yemboyao pe, jare omee opaete vae ipo pe mimbɨguasu jare tinaa ipombae japɨpe pe mechero jendɨ reve.

JUECES 7:20

Jare jókuae mboapɨ yemboyao vae reta omoñee mimbɨguasu jare oyoka reta tinaa, jare oipɨɨ reta iyasu kotɨ imechero, jare iyakatu kotɨ mimbɨguasu omoñee reta vae, jare osapúkai reta: “¡OreYa jee re jare Gedeón ikɨsepuku re!”

JUECES 9:43

mboapɨ yemboyao oyapo isundaro reta jare oñemi kavi okätɨro reta kaa pe; jare oecha reta yave Siquem pegua reta oë tëta güi oporepeña reta jese.

1 SAMUEL 11:2

Jare Nahas jei chupe reta: —Pemaeño aekɨ peresäɨ peakatu kotɨgua yave, tayapo ñemoïru pe reta ndive, jökorai amomarai vaerä Israel iñemuña reta.

1 SAMUEL 14:47

Jökorai Saúl oiko mburuvicha guasurä Israel pe yave, oñeraro opaete jovaicho reta iyɨ́vɨri ñogüɨnoi vae ndive, jae ko: Moab iñemuña reta, Amón iñemuña reta, Edom iñemuña reta, mburuvicha guasu reta Soba pegua reta, jare filisteo reta, jare oipota rupi ojoa rupi oporomoamɨri avei.