1 SAMUEL 10:6 - Biblia Guarani Tumpa Iñee

⁶ Jare Tumpa iEspíritu outa nderé mbaepuere ndive, jare remombeuta jae reta ndive Tumpa iñee; jare oipoepɨta ndeyemongeta.

1 SAMUEL 10:6 ပူးပေါင်းရင်းမြစ်များ

NÚMEROS 11:17

Jare che agüeyɨta chemiari nde ndive joko pe, jare aekɨta espíritu oï nderé vae güi, jare añonota jese reta; jare güɨroata reta vaerä vi nde ndive kuae tëta iyemoambeko. Jökorai mbaetɨta reroata nde aeño pe.

NÚMEROS 11:25

Jayave yandeYa ogüeyɨ amapɨtu re, jare omomiari; jare oekɨ espíritu oï jese vae güi, jare oñono jókuae setenta kuimbae tenondegua reta re; jare espíritu ogüeyɨ iárambo reta yave omboɨpɨ omombeu reta Tumpa iñee jókuae ara osondombae etei, ërei jókuae güire mbaetɨ ye.

NÚMEROS 11:26

Mókoi kuimbae yepe opɨtaño teyupa pe, metei jee Eldad jare ïru jee Medad, kuae reta re ogüeyɨ vi espíritu; kuae reta jee oï vi setenta vae ipɨte pe, ërei mbaetɨ yogüeru tupao guakapi pegua pe; ërei omombeu vi jae reta Tumpa iñee teyupa pe.

NÚMEROS 11:29

Jare Moisés jei chupe: —¿Nerägüɨro pa cheré? ¡Mbae mona opaete vae, kuae tëta yandeYa imbae omombeu Tumpa iñee, jare yandeYa oñono iespíritu metei ñavo vae re!

San Mateo 7:22

Jeta vae jeita cheve jókuae ara: ‘¡CheYa! ¡CheYa! Ore romoërakua Tumpa iñee nderee re. Nderee re vi rombosɨrɨ aña reta oya jese vae reta güi. Jaeramiño vi nderee re royapo jeta mɨakañɨ reta.’

JUECES 14:6

Jayave yandeYa iespíritu ou Sansón re, jare jae opa omondoo ndoo ipo pe etei yaguapope kavara raɨ rami; ërei jókuae mbaetɨ omombeu tu jare ichɨ pe.

JUECES 15:14

Yogüeru oväe reta Lehi pe yave, filisteo reta oë chupe osapúkai reve oyerovia güi. Ërei yandeYa iespíritu ou jese, jare omondoo tɨmasa reta oyeokua pɨpe vae opa ókai rami;

JUECES 3:10

Jare yandeYa iEspíritu ou Otoniel re omboarakuaa katu vaerä, jare jae ojo Israel iñemuña reta jenonde, ñeraroa pe, jare yandeYa omee ipo pe Cusan-risataim, mburuvicha guasu Siria pegua, jare güɨnoi mbaepuere jese.

1 SAMUEL 10:10

Jare opa yogüɨraja reta oväe jókuae ɨvɨtɨ oïa pe yave, ko jókuae mbovɨ ete ñeemombeúa reta vae oñoövaiti jae ndive, jare Tumpa iEspíritu ou jese mbaepuere ndive, jare omombeu Tumpa iñee jae reta ndive.

1 SAMUEL 10:9

Jare Saúl oyerova Samuel oïa güi ojo ñoete Tumpa oipoepɨ ipɨa; jare opaete jókuae mɨakañɨ reta oyeapo chupe jókuae ara.

1 SAMUEL 11:6

Saúl oendu yave kuae ñee reta, Tumpa iEspíritu ogüeyɨ jese mbaepuere ndive, jare täta yae iyarasɨ.

1 SAMUEL 16:13

Jare Samuel oipɨɨ vecha kuimbae-räti asaite güɨnoi pɨpe vae, jare opɨyere jese oñono tee vaerä tɨkeɨ reta jóvai; jare jókuae ara güive yandeYa iEspíritu ou David re. Javoi Samuel opüa jare oyerova ye ojo Ramá kotɨ.

1 SAMUEL 19:20

Saúl omondo iñee jerajaa reta güeru vaerä David, jare kuae reta oecha metei atɨ ñeemombeúa reta omombeu Tumpa iñee ñogüɨnoi, Samuel oï joko pe tenonde chupe reta, jare ogüeyɨ vi Tumpa iespíritu jókuae ñee jerajaa reta re jare jae reta vi omombeu Tumpa iñee.