1 SAMUEL 10:27 - Biblia Guarani Tumpa Iñee

²⁷ Ërei amogüe jeko kavimbae vae reta jei: “¿Këraita ra kuae yandereepɨ?” Güɨröɨro reta, mbaetɨ güeru reta mbota chupe; ërei jae oikuaambae ramiño oyeapo.

1 SAMUEL 10:27 ပူးပေါင်းရင်းမြစ်များ

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

2 SAMUEL 8:2

Omoamɨri vi Moab pegua reta, jare ojäa tɨmasa pe, omboyapakua reve ɨvɨ re; ojäa mókoi tɨmasa pe omano reta vaerä jare mboapɨa tɨmasa ojäa vae oikoveño reta vaerä. Jökorai Moab pegua reta opa opɨta David jeia re, ombaemboepɨ reta chupe.

1 REYES 10:25

jare opaete vae año ñavo güɨraja chupe mbota: Mbae ipöra yae vae korepoti pegua jare oro pegua, ñeapevaka reta, tembiporu ñeraro pegua, mbae ikäti kavi yae vae, kavayu jare mburika guasu.

1 REYES 4:21

Jare Salomón güɨnoi mbaepuere opaete ïru mburuvicha guasu reta re, ɨ̈aka Éufrates güive filisteo reta iɨvɨ kotɨ, jare ɨvɨ Egipto jembeɨ kotɨ oya regua; güeru reta imbaemboepɨ, jare Salomón jeia re yogüɨreko, opaete ara rupi jae oikove oiko ramboeve.

1 REYES 5:1

Hiram mburuvicha guasu Tiro pegua omondo vi iyɨvɨrigua reta Salomón pɨri, oendu yave oiparavo reta mburuvicha guasurä tu jekovia pe; echa Hiram oaɨu aeño David.

2 CRÓNICAS 13:7

jare oñemoïru jae ndive kuimbae reta jembiapombae jare ipɨapochɨ vae, jae reta imbaepuere yae Roboam, Salomón taɨ güi, echa Roboam taɨrusu jare ipɨakɨɨye. Jare mbaetɨ ipuere oyeepɨ chugüi reta.

2 CRÓNICAS 17:5

Jáeramo yandeYa omomɨ̈rata iporookuaía chupe. Opaete Judá pegua reta omee mbota chupe, güɨnoi jeta mbaeyekou jare imboetea yae.

SALMOS 38:13

Ërei che ayeapo iyapɨsambae rami, mbaetɨ aendu, iñeembae rami, mbaetɨ cheñee amoë.

SALMOS 72:10

¡Mburuvicha guasu reta Tarsis pegua jare ɨguasu jembeɨ rupigua togüeru chupe mbota reta, jare mburuvicha guasu reta Sabá jare Seba pegua togüeru vi chupe mbota reta!

ECLESIASTÉS 7:21

Agüɨye erovia opaete mbaembae reendugüe re, agüɨye vaerä rerovia nderembiokuai reta mbae jei ndekotɨ yave.

ISAÍAS 36:21

Ërei jae reta kïrii ngatu opɨta, mbaetɨ etei iñee omoë reta chupe, echa mburuvicha guasu yepe jei chupe reta, agüɨye etei vaerä mbae ave yepe jei reta.

San Mateo 2:11

Oike reta o pe yave, oecha reta michia ichɨ María ndive. Jayave jae reta oyetavatɨka omboete reta michia. Jayave oipea reta imbaerɨru jare omee reta michia pe oro, mbae ikäti kavi vae incienso jare mirra.

Hechos 7:35

Kuae Moisés ko jae Israel pegua reta güɨröɨro vae. Echa jei reta chupe: “¿Kia pa neñono oreruvicharä, orejäa vaerä?” Tumpa omondo Moisés mburuvicharä jare oporoyora vaerä, araɨgua yai jendɨ vae pe oyekuaa chupe vae rupi.

DEUTERONOMIO 13:13

kuimbae reta güɨröɨro Tumpa jare opa ombojopa tëtaɨgua reta, omoñera reve omboete vaerä tumpa ambuae, pe peikuaambae vae,

1 SAMUEL 11:12

Jayave opaete vae jei Samuel pe: —¿Kia reta pa jei: “Oikota ra Saúl yanderuvicha guasurä”? Emee orepo pe jókuae kuimbae reta, opa toroyuka.

1 SAMUEL 11:13

Ërei Saúl jei chupe reta: —Kuae ara mbaetɨ eteita kia omano, echa kuae ara yandeYa ko güɨroasayepe Israel iñemuña reta, jovaicho reta güi.

1 SAMUEL 16:20

Javoi Isaí ombovoɨta imburika mbɨyape pe, metei jɨru vino pe, jare metei kavara raɨ, jare omondo Saúl pe taɨ David ndive.

1 SAMUEL 2:12

Elí taɨ reta ko iyoa, jare mbaetɨ oipoɨu reta yandeYa güi.

1 SAMUEL 25:17

Añave eyemongeta kavi, mbae reyapo vaerä, echa jaema outa mbae ikavimbae yandeya re, jare jo pegua reta re, echa jae kuimbae ipɨapochɨ yae vae ko, mbaetɨ kia ipuere imiari jae ndive.