1 SAMUEL 10:26 - Biblia Guarani Tumpa Iñee

²⁶ Jare Samuel omondo opaete vae jëta jëta ae kotɨ. Jare Saúl ojo vi jëta kotɨ Gabaa pe, jare yogüɨraja jupíe kuimbae ñeraro regua reta, yandeYa oñátai ipɨa vae reta.

1 SAMUEL 10:26 ပူးပေါင်းရင်းမြစ်များ

2 SAMUEL 21:6

iñemuña reta güi emee oreve chiu, royuvɨ vaerä yandeYa jóvai Gabaa Saúl yandeYa jembiparavo jëta pe. Jare mburuvicha guasu jei: —Tamee peve.

ESDRAS 1:5

Jayave oyupavo Judá jare Benjamín iñemuña itenondegua reta, sacerdote reta jare levita reta, opaete jókuae Tumpa omokɨ̈reɨ ipɨa pe yogüeru ye vaerä omopüa yandeYa jo vae reta, Jerusalén pe.

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

ISAÍAS 10:29

oasa reta ɨ̈aka tɨpɨmbaea rupi, oyembojeyupa reta Geba pe; tëta Ramá orɨrɨi okɨɨye güi, Gabaa, Saúl jëta otekuarai.

Hechos 13:48

Jare judiombae vae reta oendu yave kuae ñee, oyerovia yae reta jare ombotuicha Tumpa iñee. Jare güɨrovia opaete jókuae Tumpa oiparavo tekove opambae vae güɨnoi vaerä vae reta.

Hechos 7:10

jare oepɨ opaete tembiporara reta güi. Jare jae omee chupe mbɨakavi jare arakuaa mburuvicha guasu Egipto pegua Faraón jóvai. Jáeramo Faraón oyapo mburuvicharä, opaete Egipto pegua reta re jare Faraón jo re.

JOSUÉ 18:28

Zela, Elef, Jebús (jae ko Jerusalén), Gabaa jare Quiriat; catorce tëta guasu; tëta guasu ñavo güɨnoi tëta raɨ raɨ. Kuae ko jae Benjamín iñemuña reta iɨvɨ jëtara ñavo rupi.

JUECES 20:14

Ërei ngatu tëta guasu reta Benjamín iñemuña pegua oyomboatɨ Gabaa pe, oñeraro vaerä jëtara Israel iñemuña reta ndive.

1 SAMUEL 11:4

Jare ñee jerajaa reta yogüɨraja oväe Gabaa pe Saúl oikoa pe, jare omombeu reta ñee jókuae tëta pe. Opaete vae jäse oyaeo kuae oendu yave.

1 SAMUEL 13:2

oiparavo tres mil kuimbae Israel iñemuña reta, kuae reta güi dos mil ñogüɨnoi Saúl ndive Micmas pe jare Bet-el iɨvɨtɨ re, jare mil ñogüɨnoi Jonatán ndive Gabaa pe Benjamín iñemuña reta iɨvɨ pe; jare opaete vae jembɨregüe reta omondo jëta jëta ae kotɨ.

1 SAMUEL 15:34

Javoi jaɨkue rupi Samuel ojo Ramá pe, jare Saúl ojo jëta kotɨ Gabaa pe.