1 SAMUEL 10:16 - Biblia Guarani Tumpa Iñee

¹⁶ Jare Saúl jei itutɨ pe: —Omombeu kavi voi oreve, mburika reta opa ye ma oñeväe vae. Ërei Samuel omomiari mburuvicharä oïta vae regua, mbaetɨ etei imiari itutɨ pe.

1 SAMUEL 10:16 ပူးပေါင်းရင်းမြစ်များ

ÉXODO 4:18

Körai Moisés oyerova ye jovaya Jetro jëta pe, jare jei chupe: —Aja yeta cherëtara reta Egipto pe ñogüɨnoi vae pɨri, aikuaa vaerä oimeño ra yogüɨreko vae. Jare Jetro jei Moisés pe: —Ekua mbɨakatu reve.

PROVERBIOS 12:23

Kuimbae iyarakuaa katu vae mbaetɨ oyembotuicha iyarakuaa re, ërei iyarakuaambae reta jaeiño oñemoërakua.

PROVERBIOS 29:11

Yarakuaambae, pochɨ rai yae iyarasɨ yave, ërei yarakuaa vae, oyembopɨaguasu pochɨ yave.

ECLESIASTÉS 3:7

Oime ara, mbae yamondoro vaerä, oime vi ara, mbae yambovɨvɨ vaerä. Oime ara, ñanekïrii vaerä, oime vi ara, ñanemiari vaerä.

JUECES 14:6

Jayave yandeYa iespíritu ou Sansón re, jare jae opa omondoo ndoo ipo pe etei yaguapope kavara raɨ rami; ërei jókuae mbaetɨ omombeu tu jare ichɨ pe.

JUECES 14:9

Oipɨɨ jókuae metei ipe ei vae jare jou ojo oiko. Oupitɨ tu jare ichɨ yave omee vi chupe reta jou vaerä, ërei mbaetɨ omombeu chupe reta jókuae ei yaguapope jëogüegüe güi ko oekɨ vae.

1 SAMUEL 10:15

Jare Saúl itutɨ jei: —Romoñera remombeu vaerä cheve ¿mbae pa ko Samuel jei ndeve?

1 SAMUEL 9:20

Jókuae mburika mboapɨ ara ma okañɨ pegüi vae, agüɨye ndepɨatɨtɨ jese reta, echa oñeväe ma chupe. Ërei opaete Israel pegua mbaeyekou ndembaerä ko jare nderu iñemuña reta peguarä ko.

1 SAMUEL 9:27

Jare ñogüɨnoe reta tëta guasu güi ikatu pe yave, Samuel jei Saúl pe: —Ere nderembiokuai pe tojo tenonde, ërei nde epɨtaño michi pegua amombeu vaerä Tumpa iñee ndeve.