1 SAMUEL 1:8 - Biblia Guarani Tumpa Iñee

⁸ Jare ime Elcana jei chupe: “Ana, ¿maera pa reyaeo? ¿Maera pa rekarúä? ¿Maera pa ndepɨatɨtɨ? ¿Jaekaviä pa che ndeve, payandepo nemembɨ vaerägüe güi?”

1 SAMUEL 1:8 ပူးပေါင်းရင်းမြစ်များ

2 REYES 8:12

jare Hazael oparandu chupe: —¿Maera pa reyaeo, cheya? Tumpa iñeemombeúa jei chupe: —Che aikuaa ikavimbae reyapota Israel iñemuña reta pe vae; reapɨta jëta guasu reta oñekëse kavi ñogüɨnoi vae, taɨrusu vae reta reyukata kɨsepuku pe, imichia reta rerokuaukata ɨvɨ re, jare reipekata kuña ipurúa vae reta jɨe.

JOB 6:14

Kia oiporara yave, ivɨa-ïru ombopɨakatu, mbaetɨ jókuae oyapo vae, Imbaepuere yae vae güi ko oipoɨuä.

SALMOS 43:4

Taja taväe, ndembae mɨmba oyeyuka oyeapɨ jese vae pe, joko pe toromboete arpa ndive, yerovia reve cheRu Tumpa.

ISAÍAS 54:1

Imembɨmbae vae, eyerovia; nde mbaetɨi nemembɨ vae, etairari, reyerovia güi, echa yandeYa jei: “Kuña oyeeyagüe, jetata imembɨ, kuña ime ndive oï vae güi.”

ISAÍAS 54:6

Echa yandeYa nereenɨi kuña oyemombogüe jare mbɨatɨtɨ rupi oiko vae oñeenɨi rami; tembireko taɨrusu vae oyemombogüe rami, neTumpa nereenɨi jare jei ndeve:

San Juan 20:13

Araɨgua reta jei María pe: —Kuña, ¿maera pa reyaeo? María jei chupe reta: —Güɨraja reta cheYa, jare mbaetɨ aikuaa kia pe ra oñono reta.

San Juan 20:15

Jayave Jesús jei chupe: —Kuña, ¿maera pa reyaeo? ¿Kia pa reeka? María oyemongeta kó raɨ iyangarekoa ko vae. Jáeramo jei chupe: —Cheya, nde reraja yave, emombeu cheve kia pe reñono, jare che arajata.

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

RUT 4:15

kuae oikota ndemoingove katu vaerä jare ndeangareko vaerä netɨ̈aro yae ma yave; echa nemembɨtatɨgüe nderaɨu yae vae imembɨ ko, Rut iporomborɨ ko ndeveguarä ikavi yae ete, renoi yave chiu nemembɨraɨe reta güi.

1 SAMUEL 1:7

Jökorai año ñavo omoambeko avei; ojo yandeYa jo kotɨ yave; jáeramo Ana oyaeo jare okarúä.