1 SAMUEL 1:19 - Biblia Guarani Tumpa Iñee

¹⁹ Jare ndeimbove yave opüa omboete reta yandeYa, jare opa ye yogüɨraja reta jëta kotɨ Ramá pe. Jare Elcana güɨroke jembireko Ana; jare yandeYa oyapo jókuae oiporu chupe vae.

1 SAMUEL 1:19 ပူးပေါင်းရင်းမြစ်များ

GÉNESIS 21:1

YandeYa opou Sara pɨri jae jei rami, jare oiparareko Sara, jae omoërakua rami,

GÉNESIS 30:22

Jare Tumpa imaendúa Raquel re oendu chupe iyerure, jare omee chupe imembɨ vaerä.

GÉNESIS 4:1

Adán jembireko Eva ipurúa, jare imembɨ Caín oa, jare jei: “YandeYa jemimbota rupi ko chemembɨ kuimbae.”

GÉNESIS 8:1

Jare Tumpa imaendúa Noé re, jare opaete mbaemɨmba reta jae ndive ñogüɨnoi arca pe vae re. Jare Tumpa ombou ɨvɨtu ɨvɨ iárambo, jare ɨ omboɨpɨ jagüe.

2 REYES 4:17

Jókuae kuña ipurúa opɨta, jare año ou ye vae re oa imembɨ, Eliseo jei chupea pe etei.

SALMOS 119:147

Ndei köe mbove apüa asapúkai ndeve, aäro neñee re.

SALMOS 136:23

Jae mbaetɨ iñakañɨ yandegüi mbɨatɨtɨ guasu pe ñaï yave, echa iporoparareko jekuae avei vae ko.

SALMOS 25:7

Agüɨye nemaendúa chetaɨrusu yave cheyoa vae re, ayembopɨapochɨ ndekotɨ vae re; cheYa Tumpa, nemaendúa cheré, ndeporoaɨu jare ndepɨakavi renoi rupi.

SALMOS 5:3

CheYa Tumpa, ndeimbove yave eendu cheñee, ndeimbove yave añeñono nderóvai jare aäro.

SALMOS 55:17

Kaaru yave jare ndeimbove yave, jare kuaraɨ ara mbɨte pe chepɨatɨtɨ yae reve ayerure, jare jae oenduta cheve.

San Marcos 1:35

Pɨareve pe Jesús opüa ndei köe mbove, jare oë ojo kïrii ngatúa pe. Oyerure vaerä.

San Lucas 23:42

Jayave jei Jesús pe: —Ndemaendúa cheré ndeporookuaía pe reï yave.

JOSUÉ 18:25

Ïru tëta guasu reta jae ko: Gabaón, Ramá, Beerot,

1 SAMUEL 1:1

Oiko metei kuimbae Ramataim Zofim pegua pe, ɨvɨtɨ Efraín pe, Elcana jee vae, jae ko Jeroham taɨ, Jeroham jae ko Eliú taɨ, Eliú jae ko Tohu taɨ, Tohu jae ko Zuf taɨ, Efraín iñemuña pegua.

1 SAMUEL 1:11

Jare oyapo ñererökuavee jei reve: “CheYa imbaepuere yae ete vae, jupi ko remae che nderembiokuai ipɨatɨtɨ vae re yave, jare nemaendúa cheré yave, jare remee che nderembiokuai pe imembɨrä kuimbae ko yave, tañono tee ndeveguarä jókuae michia raɨ opaete ara oikove oiko ramboeve jare mbaetɨta ia oñeapi.”

1 SAMUEL 15:34

Javoi jaɨkue rupi Samuel ojo Ramá pe, jare Saúl ojo jëta kotɨ Gabaa pe.

1 SAMUEL 16:13

Jare Samuel oipɨɨ vecha kuimbae-räti asaite güɨnoi pɨpe vae, jare opɨyere jese oñono tee vaerä tɨkeɨ reta jóvai; jare jókuae ara güive yandeYa iEspíritu ou David re. Javoi Samuel opüa jare oyerova ye ojo Ramá kotɨ.

1 SAMUEL 19:18

David otekuarai jare ojoyepe, jare ojo oväe Samuel pɨri Ramá pe, jare imiari chupe opaete Saúl oyapo chupegüe vae. Javoi yogüɨraja Samuel ndive oñemoëta Naiot pe.

1 SAMUEL 2:11

Jare Elcana ojo ye jëta kotɨ Ramá pe, ërei kunumi raɨ opɨtaño oyeokuai yandeYa pe, sacerdote Elí iporookuai rupi.

1 SAMUEL 25:1

Samuel omano, jare opaete Israel iñemuña reta oyemboatɨ oäpiro vaerä imano. Jare oñotɨ reta jetegüe jae jëta Ramá pe. Kuae jaɨkue rupi David ojo ñuu Parán kotɨ.

1 SAMUEL 7:17

Jókuae jaɨkue rupi ou ye Ramá pe jo güɨnoia pe, jare joko güi oporojäa Israel iñemuña reta re, jare joko pe vi omopüa metei mɨmba oyeyuka oyeapɨ jese vae yandeYa pe.

1 SAMUEL 8:4

Jayave opaete Israel iñemuña reta itenondegua reta oyomboatɨ jare yogüeru reta Ramá pe, omomiari reta vaerä Samuel,

1 SAMUEL 9:26

Jare pɨareve pe ndei köe mbove oyupavo, jare köe jembipe ma yave Samuel oenɨi Saúl o iárambo ipe kavi vae güi, jare jei chupe: —Epüa romboyupavo vaerä. Jupivei Saúl opüa, jare ñogüɨnoe Samuel ndive.