1 REYES 9:8 - Biblia Guarani Tumpa Iñee

⁸ Jare kuae tupao ikavi yae vae, oyemboaita opɨta, oipotagüe oasa iyɨ́vɨri rupi vae ipɨakañɨta omae jese, jare oyoyaita, jare jeita: ‘¿Maera ra Tumpa körai oyapo kuae ɨvɨ jare kuae tupao?’

1 REYES 9:8 ပူးပေါင်းရင်းမြစ်များ

2 REYES 22:17

echa chereeya reta jare oapɨ reta ikäti kavi vae incienso tumpa ambuae reta pe, chemboarasɨuka reta opaete oyapogüe reta rupi; jáeramo chearasɨ opüa kuae tëta kotɨ, jare mbaetɨta chearasɨ poi.’

2 REYES 25:9

jare oapɨ yandeYa jo, mburuvicha guasu jo, jare opaete o reta Jerusalén pegua; oapɨ opaete mburuvicha reta jo.

2 CRÓNICAS 29:8

Jáeramo yandeYa iyarasɨ Judá pegua reta kotɨ jare Jerusalén pegua reta kotɨ jare opa oeya mbɨatɨtɨ pe, ñemotareɨ rupi jare yeyóyai yóyai rupi; pe reta etei peecha añave rupi penoi rami.

2 CRÓNICAS 36:19

Oapɨ reta vi Tumpa jo, ombosururu reta Jerusalén ikësea, oapɨ reta vi mburuvicha jo jare omboai opaete mbae jepɨ yae vae.

2 CRÓNICAS 7:21

Jare kuae tupao guasu ipöra yae vae jendagüeño opɨtata, jare opaete oasa jokoropi vae omopɨakañɨta jare jei retata: ‘¿Maera ra körai Tumpa oyapo kuae ɨvɨ jare kuae tupao guasu?’

ISAÍAS 64:11

Orembaemboetea ikavi yae vae, oreñemuñagüe reta pɨpe ndemboete yepi vae, opa oyemboai tata pe. ¡Opaete mbaembae roaɨu yae yepi vae, opa oyemboai!

JEREMÍAS 16:10

Remoërakua yave opaete vae pe kuae mbaembae reta re, oparandu retata ndeve: ‘¿Maera pa kuae ikavimbae yae vae yandeYa omoërakua orekotɨ? ¿Mbae ikavimbae pa ko oime royapo? ¿Mbae nunga mbaeyoa pa ko oime royapo yandeYa Tumpa kotɨ?’

JEREMÍAS 18:16

Jökorai iɨvɨ oipoepɨ, ɨvɨ ipombae pe, opaete vae okɨɨye yae vaerä jekuae avei pegua. Opaete oasa jokoropi vae iñäka ombovavata jare ipɨakañɨta jese.

JEREMÍAS 19:8

Aipoepɨta kuae tëta opɨta vaerä ipombae jare kɨɨyearä, opaete oasa jokoropi vae ipɨakañɨta jese jare okɨɨye yaeta opaete oyemboai vae re.

JEREMÍAS 22:28

¿Jae pa ko Jeconías ɨrɨru oyeka jare mbaetɨ ye osirive vae? ¿Maera pa jae jare iñemuña reta oyemombo ɨvɨ oikuaambae kotɨ?

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 44:8

¿Maera pa chemboarasɨuka perembiapo reta rupi? Peapɨ ikäti kavi vae incienso tumpa ambuae reta kuae Egipto pegua pe, peyu peiko pɨpe vae. Jókuae rupi peru peyeupe aeño kañɨtei, peiko vaerä yepopeyu rupi jare yeyóyai yoyairä, opaete tëtaguasu reta ɨvɨ pe ñogüɨnoi vae reta peguarä.

JEREMÍAS 49:17

“Edom opaeteita oyemboai. Opaete oasa jokoropi vae ipɨakañɨta jare oyóyai yoyaita oecha yave kuae susere reta,

JEREMÍAS 5:19

Oparandu reta ndeve yave: ‘¿Maera pa kuae oyapo oreve yandeYa Tumpa?’ Javoi ere chupe reta: ‘Pesɨrɨ yandeYa güi jare peyeokuai tumpa ambuae pe peɨvɨ pe rami, jökorai peota peyeokuai ketɨgua reta pe ɨvɨ ambuae pe.’

JEREMÍAS 50:13

Echa chearasɨta jare aeyata ipombae, opaeteita oyemboai opɨta. Opaete oasa jokoropi vae ipɨakañɨta jare oyóyai yoyaita oecha yave kuae susere reta.

JEREMÍAS 52:13

jare oapɨ yandeYa itupao, mburuvicha guasu jo jare opaete o reta Jerusalén pegua; opaete o tuichagüe reta;

LAMENTACIONES 2:15

Opaete tape rupi oasa vae reta oyepopete ndeyóyai yóyai reve; otɨvɨñee jare iñäka ombovava oyóyai reve Jerusalén, jei reta: “¿Jae pa kuae, tëta guasu ikavi yae opaete güi kuae ɨvɨ pe jei chupe reta vae?”

DANIEL 9:12

Nde, rembou ikavimbae yae vae oreré vae rupi, rembopo jókuae reñererökuavee rembou vaerä oreve vae jare oreruvicha reta re vae; echa mbaetɨi rembou mbaeporara ɨvɨ re, Jerusalén re rembou rami.

DEUTERONOMIO 28:37

Mbaetɨta omae kavi peré vae, ñeeräño peikota, jare peyóyai yoyaita opaete vae tëta ñavo yandeYa pererajaa rupi.

DEUTERONOMIO 29:23

oecha retata azufreño, yukɨ jare ɨvɨ okaigüeño. Mbaetɨta mbae ipuere oñeotɨ pɨpe, mbaetɨta vi mbae oñemuña pɨpe, mbae nunga ñana ave mbaetɨta oñemuña pɨpe, Sodoma, Gomorra, Adma jare Zeboim oñemokañɨtei yave rami, yandeYa iyarasɨ jeko pegua omboai kuae tëta reta.