1 REYES 9:4 - Biblia Guarani Tumpa Iñee

⁴ Nde reguata kavi yave cheróvai nderu David oguata rami, opaete ndepɨa ndive jare sɨmbi rupi, reyapo reve opaete mbaembae royókuai vae, reñovatu reve cheporookuai reta,

1 REYES 9:4 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 20:5

Abraham etei ko jei cheve: ‘Chereindɨ ko’ jare kuña jei: ‘Chekɨvɨ ko.’ Chepɨa jupi reve ko kuae ayapo, mbaetɨ mbae ikavimbae ayapo.”

2 SAMUEL 22:22

echa che aguata yandeYa jeia rupi; ¡mbaetɨi apia cheTumpa güi!

1 REYES 11:38

Reyapo yave opaete che royókuai vae jare reyapo yave jupi vae cheróvai, reyapo yave mborookuai reta, cherembiokuai David oyapo rami, che aïta nde ndive jare ameeta oime avei vaerä mburuvicha guasu neñemuña reta güi, David pe ayapo rami, jare ameeta ndepo pe Israel.

1 REYES 11:4

Jare Salomón indechi ma yave, jembireko reta güɨrova ipɨa chugüi tumpa ambuae reta kotɨ, ipɨa mbaetɨ ma jupi iYa Tumpa kotɨ, tu David ipɨa rami.

1 REYES 11:6

Jökorai Salomón oyapo ikavimbae yandeYa jesa róvai, mbaetɨ oguata kavi yandeYa jupíe, tu David rami.

1 REYES 14:8

Apɨ̈ro mborookuaía David iñemuña güi, jare amee ndeve; jare nde mbaetɨ cherembiokuai David rami, cheporookuai oñovatu vae jare oguata cheróvai opaete ipɨa reve kavi, oyapo reve sɨmbi vae cheresa róvai.

1 REYES 15:5

Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

1 REYES 3:14

Jare reguata yave cheremimbota rupi, reñovatu reve cheporookuai reta, nderu David oguatase rami, che ambopukuta nderekove.”

1 REYES 3:3

Salomón oaɨu yae yandeYa, jare oyapo opaete mborookuai reta tu David oyapo oeyagüe, jare jae etei omee mɨmba oyeyukagüe jare ikäti kavi vae incienso ɨvɨtɨ rupigua mbaemboetea re.

1 REYES 3:6

Jare Salomón jei: “Nde reiparareko yae ete nderembiokuai cheru David, echa jae oguata añetete rupi nderóvai, jupi rupi jare ipɨa isɨmbi ndekotɨ. Jáeramo nde reiparareko tuicha, remee ramboeve chupe taɨ oguapɨ vaerä jekovia pe mburuvicha guasurä, kuae ara oasa oï vae rami.

1 REYES 6:12

“Kuae tupao nde remopüa reï vae regua tae ndeve. Reguata yave opaete cheporookuai reta rupi, jare reiko opaete cheporookuai reta jeigüe rupi yave, che ambopota ndeve opaete cheñee reta nderu David pe jae ndekotɨ vae;

1 REYES 8:25

Añave cheYa, Israel iTumpa, embopo nderembiokuai cheru David pe rerökuavee rere reve vae: Cheróvai mbaetɨta oata ndeve neñemuña güi oguapɨ vaerä mburuvicha guasurä Israel pe, nderaɨ reta oyapo ko yave cheporookuai reta, jare oguata kavi reta ko yave cheresa róvai rupi, nde cheróvai reguata kavi rami.

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

2 CRÓNICAS 17:4

ërei oeka tu iTumpaño, jare oyapo iporookuai reta, mbaetɨ oiko Israel pegua reta yogüɨreko rami.

SALMOS 101:2

taikuaa kërai sɨmbi rupi taiko, reyu chépɨri yave. Sɨmbi rupi kavi taiko chero pe;

SALMOS 128:1

Oyerovia ko opaete Tumpa güi oipoɨu vae, jókuae jemimbota rupi oiko vae.

SALMOS 15:2

Jaeño, oiko jupi rupi vae jare oyapo ikavi vae; imiari añetegüe ipɨa jupi reve kavi vae.

SALMOS 26:1

CheYa Tumpa, chejäa, echa che aiko jupi rupi; ndereño etei che ayeko.

SALMOS 26:11

Ërei che aikota jupi rupi; ¡chereepɨ, cheparareko!

SALMOS 78:72

Jare oyangareko jese reta opaete ipɨakatu reve kavi, oyangareko jese reta ipoki rupi kavi.

PROVERBIOS 10:9

Jupi rupi kavi oiko vae, oiko pɨagüive oiko, ërei jupimbae oiko vae, oiporarata ko.

PROVERBIOS 20:7

¡Kuimbae jupi rupi kavi oiko vae, taɨgüe reta oyerovia katu reve kavi yogüɨrekota jae jaɨkue rupi!

PROVERBIOS 28:18

Jupi rupi oiko vae, oasayepeta, ërei ipɨapochɨ vae, oata ikavimbae pe.

EZEQUIEL 18:9

cheporookuai jei rami oiko; oyapo opaete cheporookuai reta. Jae kuae kuimbae añetete jupi vae. Jáeramo oikoveta, che peYa jae.

ZACARÍAS 3:7

“YandeYa Imbaepuere yae ete vae jei körai: ‘Reguata jare reiko yave cheremimbota rupi, reporookuaita chero pe, reyangarekota vi cheroka re, jare ameeta ndeve reï vaerä kuae oyeokuai cheve vae reta ndive.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

DEUTERONOMIO 28:1

Peendu ete kavi peyeupe yandeYa Tumpa iñee yave, peyapo yave mborookuai reta amombeu añave peve vae, yandeYa Tumpa pembotuichata opaete tëtaguasu reta ɨvɨ pegua güi.