1 REYES 9:15 - Biblia Guarani Tumpa Iñee

¹⁵ Kuae jeko pegua mburuvicha guasu Salomón omee mborookuai oyeapo vaerä yandeYa itupao, mburuvicha guasu jo, Milo, Jerusalén ikësea, jökoraiño vi tëta Hazor, Meguido jare Gezer.

1 REYES 9:15 ပူးပေါင်းရင်းမြစ်များ

2 SAMUEL 5:9

David oñemoëta joko pe, jare ombojee David Jëta guasu; jare oyapo ikësearä opaete iyɨ́vɨri rupi, Milo güive japɨpe kotɨ.

1 REYES 11:27

Jeroboam oñemopüa mburuvicha guasu Salomón re. Echa Salomón oyapo oï Milo yave, opa oyokenda tape tu David Jëta guasu ikësea oasavi oï vae.

1 REYES 12:4

—Nderugüe ombojeiete yae ko oreve iporookuai, ërei añave nde embovevɨi mí kërai yepe oreve nderugüe oñono oreve vae, jare toroyeokuai ndeve.

1 REYES 3:1

Salomón oñemoëtara Faraón mburuvicha guasu Egipto pegua ndive, echa omenda tayɨ ndive, jare güɨraja David Jëta guasu pe opa oyeapo ramboeve mburuvicha jo, tupao jare Jerusalén ikësea.

1 REYES 4:12

Baana, Ahilud taɨ oï mburuvicharä Taanac, Meguido jare opaete Bet-seán, Saretán iyɨpɨ peño güɨnoi vae, Jezreel güi ɨ́vɨkotɨ, Bet-seán güive Abel-mehola kotɨ, Jocmeam kutɨ;

1 REYES 5:13

Jayave mburuvicha guasu Salomón oenɨiuka opaete Israel rupi mbaravɨkɨ peguarä, jare yatɨ treinta mil kuimbae reta,

1 REYES 6:38

jare once año ma oiko yave yasɨ Bul pe, jae ko juri yasɨ jókuae año pe, opa oyeapo tupao. Salomón opa oyapo tupao chiu año pe.

1 REYES 9:10

Oasa veinte año Salomón opa güire oyapo mókoi o, jae ko yandeYa itupao jare mburuvicha guasu jo,

1 REYES 9:21

iñemuñagüe reta opɨta jókuae ɨvɨ pe vae, Israel iñemuña reta mbaetɨ ipuere omokañɨtei vae, Salomón omombaravɨkɨ yae reta, jökorai yogüɨreko añave rupi.

1 REYES 9:24

Faraón tayɨ oyakavo David Jëta Guasu güi mburuvicha guasu Salomón oyapo o chupe vae pe. Jayave Salomón oyapo Milo.

2 REYES 12:20

Jare iyɨvɨrigua reta oñemopüa ikotɨ jare oyuka reta Milo pe, jae ojo Sila kotɨ oiko yave.

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 9:27

Ocozías, mburuvicha guasu Judá pegua oecha yave kuae oasagüe, otekuarai Bet-hagan kotɨ. Ërei Jehú oaɨkuemoña, jei: —¡Peyuka vi ikäretou pe! Ombopere reta ɨvɨtɨ Gur re yayeupía pe Ibleam jóvai, ërei jae otekuarai Meguido pe oväe regua. Joko pe omano.

1 CRÓNICAS 20:4

Kuae jaɨkue rupi oiko ñoraro Gezer pe filisteo reta ndive. Jókuae ñeraro pe Sibecai Husaɨgua oyuka Sipai, jae ko kuimbae ipuku vae reta iñemuña. Jare omomichi filisteo reta.

1 CRÓNICAS 6:67

Oñemee vi chupe reta tëta guasu ñepɨ̈roa Siquem, Efraín iɨvɨtɨ re oï vae, mɨmba reta ikarúa renda ndive; jökoraiño vi Gezer,

2 CRÓNICAS 35:22

Ërei Josías ñäteɨ osɨrɨ, oipotañoi oñeraro jae ndive, mbaetɨ oendu Necao omondo jei chupe vae, jókuae ñee Tumpa güi etei ou vae. Jare ou oñeraro vaerä jae ndive Meguido pe.

2 CRÓNICAS 8:1

Oasa veinte año Salomón omopüa güire yandeYa itupao guasu jare jae jo iporookuaía peguarä;

SALMOS 51:18

CheYa Tumpa, eyapo ikavi vae Sión pe, ndepɨakavi jeko pegua; emopüa ye Jerusalén ikësea.

ZACARÍAS 12:11

Jókuae ara Jerusalén pe oimeta mbɨatɨtɨ tuichagüe, ɨvɨtɨ päu Meguido jee vae pe mbɨatɨtɨ tumpa-raanga Hadad-rimón re oyeapo rami.

JOSUÉ 10:33

Jayave Horam, mburuvicha guasu Gezer pegua oë isundaro reta ndive omborɨ Laquis, ërei Josué omoamɨri Horam opaete isundaro reta ndive, oeyambae reve metei ave.

JOSUÉ 11:1

Jabín, mburuvicha guasu Hazor pegua oikuaa yave opaete kuae oasagüe re, omondo ñee Jobab, mburuvicha guasu Madón pegua pe, mburuvicha guasu Simrón pegua pe jare mburuvicha guasu Acsaf pegua pe,

JOSUÉ 16:10

Ërei Efraín iñemuña reta mbaetɨ güɨnoe omombo Gezer güi cananeo reta; jökorai cananeo reta yogüɨreko Efraín iñemuña reta ipɨte pe, jare ombaemboepɨ yogüɨreko. Añave rupi cananeo reta oime yogüɨreko joko pe.

JOSUÉ 16:3

joko güi ogüeyɨ kuaraɨ oikea kotɨ jafletita reta iɨvɨ kotɨ, Bet-horón jembeɨ ɨvɨpe pegua kotɨ, jare Gezer kotɨ oë ojo ɨguasu pe.

JOSUÉ 17:11

Manasés iñemuña reta güɨnoi vi tëta guasu reta; tëta guasu ñavo güɨnoi tëta raɨ raɨ, Isacar jare Aser iñemuña reta iɨvɨ pe jae ko: Bet-seán, Ibleam, Dor, Endor, Taanac jare Meguido, mboapɨ yemboyao ɨvɨ.

JOSUÉ 19:36

Adama, Ramá, Hazor,

JOSUÉ 21:21

Efraín iñemuña reta iɨvɨtɨ pe oñemee chupe reta tëta guasu Siquem mɨmba ikaruarä ndive, ñepɨ̈rokarä oporoyuka vae reta pe; oñemee vi chupe reta tëta guasu reta: Gezer,

JUECES 1:29

Efraín iñemuña reta mbaetɨ vi opa omoë omombo cananeo reta yogüɨreko Gezer pe vae, jókuae cananeo reta yogüɨrekoño jae reta ipɨte pe.

JUECES 4:2

jare yandeYa omee reta Jabín mburuvicha guasu Canaán pegua ipo pe, oporookuai tëta Hazor pe vae. Isundaro reta juvicha ko jae Sísara, jae oiko Haroset-goim pe.

JUECES 5:19

Jayave mburuvicha guasu reta yogüeru oñeraro, Taanac pe oñeraro mburuvicha guasu reta Canaán pegua, ɨupa Meguido pegua iyɨpɨ pe, ërei mbaetɨ opɨ̈ro reta korepoti yepe, ani mbaeyekou.

JUECES 9:20

ërei mbaetɨ yave, ¡Abimelec güi toë peve tata opa vaerä Siquem pegua reta jare Milo pegua reta omokañɨtei; jare Siquem güi jare Milo güi toë tata opa vaerä omokañɨtei Abimelec!”

JUECES 9:6

Jayave opaete Siquem pegua reta oyemboatɨ Milo pegua reta ndive ɨvɨra encina jare ita oïa pe, jare omboguapɨ reta Abimelec mburuvicha guasurä.