1 REYES 8:9 - Biblia Guarani Tumpa Iñee

⁹ Käjou pe jaeño oï mókoi ita ipe vae, Moisés oñono pɨpe Horeb pe vae, jae ko morogüɨrökuavee päve yandeYa oyapo Israel iñemuña reta ndive Egipto güi ñogüɨnoe reta yave vae.

1 REYES 8:9 ပူးပေါင်းရင်းမြစ်များ

1 REYES 8:21

Jare kuae tupao japɨpe añono tee käjou yemomaendúa pegua jendarä, pɨpe oime oï yandeYa oyapo morogüɨrökuavee päve ñaneñemuñagüe reta ndive ɨvɨ Egipto güi güɨnoe yave vae.”

2 CRÓNICAS 5:10

Jókuae Tumpa ikäjou japɨpe pe oï vae jaeño mókoi ita oñeopagüe, Moisés oñono pɨpe Horeb pe ñogüɨnoi yave vae. Jókuae reta rupi yandeYa oyapo morogüɨrökuavee päve Israel iñemuña reta ndive, oë reta Egipto güi yave.

2 CRÓNICAS 5:9

Jókuae ɨvɨra Tumpa ikäjou ivoɨka reta puku ete, oyekuaaño tupao japɨpe oñeñono tee vae güi, ërei mbaetɨ oyekuaa ikatu güi, jare jökorai opɨta añave regua.

ÉXODO 13:21

Jare yandeYa ojo jae reta jenonde metei jɨsɨ amapɨtu re, ara pe omomoe vaerä japerä, jare pɨ̈tu yave metei jɨsɨ tata ara re, omoembipe vaerä chupe reta; ipuere vaerä oguata reta ara pe jare pɨ̈tu yave.

ÉXODO 14:24

Jare köe ma ou yave yandeYa omae Egiptoɨgua reta kotɨ jókuae amapɨtu güi, metei jɨsɨ tata vae güi, jare ombopɨajopa Egiptoɨgua reta,

ÉXODO 16:10

Aarón imiari ramboeve Israel iñemuña reta ndive, omae reta ñuu kotɨ jare oecha reta yandeYa iyemboetea jembipe oyekuaa amapɨtu re.

ÉXODO 16:33

Jare Moisés jei Aarón pe: —Eñono maná mókoi kilo rupi metei mbaerɨru pe, jare eñono yandeYa jóvai, jare toñeñovatu peñemuña reta peguarä.

ÉXODO 25:16

Jare toñono reta käjou pe mborookuai reta, che ameeta ndeve vae.

ÉXODO 25:21

Ñɨ̈ro renda toñono reta käjou iárambo, jare käjou pe toñono reta mborookuai reta che ameeta ndeve vae.

ÉXODO 40:20

Moisés oipɨɨ ita ipe vae mborookuai reta oyekuatía oï jese vae, jare oñono käjou japɨpe jare ɨvɨra oyepɨasa vae reta oñono käjou re, jare ñɨ̈ro renda käjou itapa re.

EZEQUIEL 10:4

Jayave yandeYa iyemboetea oyemboɨvate araɨgua querubín reta iárambo güi, ojo tupao jöke pe; jare amapɨtu tɨnɨe tupao, jare yandeYa iyemboetea jembipegüe oesape oka.

LEVÍTICO 16:2

YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.

NÚMEROS 17:10

Jare yandeYa jei Moisés pe: “Eraja ye Aarón ipopoka käjou yemomaendúa pegua jóvai, oñeñovatu vaerä ipɨarai vae reta oecha vaerä. Jökorai emokïrii cheróvai güi, agüɨye vaerä omano reta.”

NÚMEROS 9:15

Jókuae ara tupao guakapi pegua omopüa reta yave, amapɨtu opa oñova. Kaaruasɨ güive omoembipe tupao guakapi pegua iárambo köe regua.

DEUTERONOMIO 31:26

“Peipɨɨ kuae tembikuatía mborookuai reta oyekuatía oï pɨpe vae, jare peñono yandeYa Tumpa ikäjou morogüɨrökuavee päve pegua iyɨpɨ pe, jare toï joko pe ïru vae reta pe oikuaauka vaerä peregua.

DEUTERONOMIO 4:13

Jare jae oikuaauka peve iporogüɨrökuavee päve jae ko payandepo mborookuai reta vae jare peokuai peyapo vaerä; jare oikuatía mókoi ita ipe vae re.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.

Apocalipsis 15:8

Jare tupao tɨnɨe tätati pe, Tumpa iyemboetea jare imbaepuere rupi. Jare mbaetɨ etei kia ipuere oike tupao pe, ndei jókuae chiu mbaesusere jókuae chiu araɨgua reta güɨnoi vae oyeapo mbove.