1 REYES 8:65 - Biblia Guarani Tumpa Iñee

⁶⁵ Jókuae ara pe Salomón jare opaete Israel iñemuña reta, jetagüe yogüeru, Hamat güive ojoi oväe ɨ̈aka Egipto kotɨ yogüeru oyapo reta vaerä arete guasu küaraɨa pegua yandeYa Tumpa jóvai chiu ara pegua, jare ïru chiu ye ndive oupitɨ catorce ara arete.

1 REYES 8:65 ပူးပေါင်းရင်းမြစ်များ

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

1 REYES 3:15

Salomón opa yave, oecha opaɨu yepe; jare ou Jerusalén pe, ou oñeñono yandeYa ikäjou morogüɨrökuavee päve pegua jóvai, jare oyuka omee mɨmba oyuka opaetei oyeapɨ vae, jare mɨmba oyeyuka yembopɨakatu pegua vae, jare oyapo vi arete opaete iyɨvɨrigua reta pe.

1 REYES 4:21

Jare Salomón güɨnoi mbaepuere opaete ïru mburuvicha guasu reta re, ɨ̈aka Éufrates güive filisteo reta iɨvɨ kotɨ, jare ɨvɨ Egipto jembeɨ kotɨ oya regua; güeru reta imbaemboepɨ, jare Salomón jeia re yogüɨreko, opaete ara rupi jae oikove oiko ramboeve.

1 REYES 4:24

echa Salomón güɨnoi vi mbaepuere Éufrates güi kuaraɨ oikea kotɨgua ɨvɨ re, Tifsa güive Gaza pe, jare opaete joko pegua mburuvicha reta re, jare oime mbɨakatu opaete ɨvɨ iyɨ́vɨri rupigua reta ndive.

1 REYES 8:2

Arete guasu iara pe oyemboatɨ opaete Israel iñemuña reta pegua mburuvicha guasu Salomón pɨri Etanim yasɨ pe, jae ko chiúa yasɨ pe.

1 REYES 8:66

Pɨareve pe omboyupavo opaete vae. Jare jae reta jei ñee kavi mburuvicha guasu pe, jare oyerovia reve opa yogüɨraja jëta kotɨ, Tumpa oyapo ikavi vae jembiokuai David kotɨ vae re, jare Israel tëta imbae vae re.

2 REYES 14:25

Jeroboam opɨ̈ro ye ɨvɨ Israel jembeɨ reta, ɨvɨ Hamat pe yaikea güive ojo oväe regua ɨguasu Arabá pegua pe, yandeYa Israel iTumpa jei rami, omoërakua jembiokuai Jonás, Amitai taɨ rupi vae, ñeemombeúa Gat-hefer pegua.

2 REYES 17:24

Mburuvicha guasu Asiria pegua güeru kuimbae reta Babilonia güi, Cuta güi, Ava güi, Hamat güi jare Sefarvaim güi, jare oñono tëta guasu reta ɨvɨ Samaria pegua rupi, Israel pegua reta jekovia pe. Jökorai yogüɨreko ɨvɨ Samaria pe tëta guasu ñavo rupi.

2 REYES 23:33

Faraón Necao güɨreko tembipɨɨrä Joacaz tëta Ribla pe, ɨvɨ Hamat pe, agüɨye vaerä oiko mburuvicha guasurä Jerusalén pe; jare oñono tëtaguasu ombaemboepɨ vaerä tres mil tresciento kilo korepoti jare treinta y tres kilo oro.

1 CRÓNICAS 1:16

arvadeo reta, Zemareo reta jare hamateo reta.

1 CRÓNICAS 13:5

Jayave David omboatɨ opaete Israel iñemuña reta Sihor güive jae ko Egipto jembeɨ, Hamat pe yaikea kotɨgua reta, oyereraja vaerä Quiriat-jearim güi Tumpa ikäjou,

2 CRÓNICAS 30:13

Jökorai oyemboatɨ mokoía yasɨ pe jeta yeyé Jerusalén pe, oyapo reta vaerä arete mbɨyape oyembovumbae mbaemboete pegua.

2 CRÓNICAS 30:23

Opaete joko pe oyemboatɨ vae reta oyemongeta ombopuku vaerä arete chiu ara yé; jare oyapo reta yé arete chiu ara rupi oyerovia reve.

ÉXODO 23:31

Ambojaanga peɨvɨ iyapɨ Ɨguasu Pɨ̈ta vae güive filisteo reta iɨguasu kotɨ, jare ñuu güive ɨ̈aka Éufrates kotɨ, echa añono pepo pe opaete jókuae ɨvɨ pe yogüɨreko vae reta, jare pe opata pemoë pemombo peyeugüi.

ISAÍAS 27:12

Jókuae ara yandeYa opovɨvɨ eteita ɨ̈aka Éufrates güive Egipto iɨ̈aka pe, kia oyevɨka trigo re rami; jökorai, pe Israel iñemuña reta peyemboatɨta metei metei rupi.

EZEQUIEL 47:19

Ɨvɨ jembeɨ arayevɨ kotɨgua oyemboɨpɨta Tamar güive ɨ yoaka pegua pe oväe regua; Cades jare ɨ̈aka Egipto rupi, Ɨguasu Mediterráneo pe oväe regua. Kuae ko jae ɨvɨ jembeɨ arayevɨ kotɨgua.

AMÓS 6:14

Mase, Israel iñemuña reta, yandeYa Tumpa Imbaepuere yae ete vae jei: “Amopüata pekotɨ metei tëtaguasu oiporarauka peve vaerä, Hamat pe yaikea güive ɨvɨ Arabá kotɨ.”

AMÓS 6:2

Pekua pemae tëta Calne pe; jare joko güi peasa tëta guasu Hamat kotɨ, jare pegüeyɨ vi tëta Gat filisteo reta jëta kotɨ. Pemae jókuae mborookuaía reta re, ¿ikavi yae ra pegüi? ¿Iɨvɨ tuicha ra peɨvɨ güi?

NÚMEROS 34:5

jare Asmón güi oasata ɨ̈aka raɨ oï ɨvɨ Egipto jembeɨ pe vae kotɨ, joko güi ojo oa Ɨguasu Mediterráneo jee vae re.

NÚMEROS 34:8

jare ɨvɨtɨ Hor güi pembojaangata Hamat pe yaikea pe, jare joko güi tojo toväe Zedad pe;

JOSUÉ 13:3

Sihor, Egipto güi kuaraɨ oëa kotɨ oï vae güive Ecrón jembeɨ kotɨ ɨvɨtuguasu kotɨ, cananeo reta oyemombae jese vae; joko pe oime pandepo filisteo juvicha reta ñogüɨnoia, jae ko Gaza, Asdod, Ascalón, Gat jare Ecrón. Opɨta vi aveo reta iɨvɨ,

JOSUÉ 13:5

Opɨta vi Gebal-ɨgua reta iɨvɨ, jare opaete Líbano kuaraɨ oëa kotɨ, Baal-gad güive, ɨvɨtɨ Hermón igüɨ pe, Hamat oyemboɨpɨa kotɨ.

JOSUÉ 15:1

Judá iñemuña reta omboresive ɨvɨ suerte rupi, jëtara ñavo rupi vae, ojo oväe Edom jembeɨ pe, jare arayevɨ kotɨ güɨnoi jembeɨrä ñuu Zin,

JOSUÉ 15:4

joko güi oasa Asmón kotɨ jare oë ɨ̈aka Egipto pegua rupi, jare iyapɨ ɨguasu pe. Kuae ko jae ɨvɨ jembeɨ arayevɨ kotɨ rupi.

JOSUÉ 19:35

Jare tëta guasu reta oñekëse kavi vae jae: Sidim, Zer, Hamat, Racat, Cineret,

JUECES 3:3

Opɨta pandepo filisteo reta juvicha, opaete cananeo reta, Sidón pegua reta jare heveo reta ɨvɨtɨ Líbano pe yogüɨreko vae reta, ɨvɨtɨ Baal-hermón güive ojoi oya tëta guasu Hamat re.