1 REYES 8:6 - Biblia Guarani Tumpa Iñee

⁶ Jaɨkue rupi sacerdote reta güɨroike käjou morogüɨrökuavee päve pegua yandeYa imbae tupao japɨpe oñeñono tee kavi yae vae pe, jókuae araɨgua reta iä ipepo igüɨ pe,

1 REYES 8:6 ပူးပေါင်းရင်းမြစ်များ

2 SAMUEL 6:17

Jare güɨroike reta Tumpa ikäjou metei o guakapi pegua David oyapo chupeguarä vae pe. Jupiveiño David omee yandeYa pe mɨmba oyeyukagüe opaetei oyeapɨ vae jare mbota yembopɨakatu pegua.

2 SAMUEL 6:2

jare opa yogüɨraja reta Baala Judá pegua güi; güeru reta vaerä Tumpa ikäjou, echa jókuae käjou iárambo oñeenɨi yandeYa imbaepuere yae ete vae jee pe, joko pe jae oiko araɨgua reta iä ipäu pe.

1 REYES 6:16

Oyapo vi tupao jugua pe o chau metro ipɨgüe vae, jare oñova ɨ̈vɨrare oñeopagüe pe ɨvate güive ɨ́vɨkotɨ, oyapo kavi yae, tupao japɨpe oñeñono tee kavi yae Tumpa peguarä vae.

1 REYES 6:19

Salomón oyapo kaviuka, o oñeñono tee kavi yae Tumpa peguarä vae, oñono vaerä pɨpe käjou morogüɨrökuavee päve pegua yandeYa imbae.

1 REYES 6:27

Jare Salomón oñono jókuae mókoi araɨgua iä tupao japɨpe oñeñono tee kavi yae vae pe. Jókuae metei araɨgua iä ipepo omoata (oipɨso) vae oupitɨ ovapetea jare ïru araɨgua iä ipepo oupitɨ ïru ovapetea, jare ïru ipepo omboya reta oyoe o mbɨte pe.

1 REYES 8:3

Yogüeru oväe opaete Israel iñemuña itenondegua reta, jare sacerdote reta oipɨɨ käjou

1 REYES 8:4

jare güɨraja reta käjou morogüɨrökuavee päve pegua yandeYa imbae, jare tupao guakapi pegua yemboatɨ renda opaete mbaembae oñeñono tee vae ndive, kuaekuae reta opa güɨraja sacerdote reta jare levita reta.

1 REYES 8:7

echa jókuae araɨgua iä reta omoata güɨnoi ipepo ɨvate rupi, jökorai güɨnoi ipepo reta Tumpa ikäjou jare ivoɨka ɨvɨra reta iárambo.

1 CRÓNICAS 22:19

Jáeramo, peñemoäta ngatu peeka yandeYa Tumpa. Jayave peïndaivi pemopüa vaerä o mbaemboete pegua Tumpa yandeYa pe, yaroyakavo vaerä käjou morogüɨrökuavee päve pegua Tumpa imbae jare tembiporu reta oñeñono tee tupao pe Tumpa peguarä vae oñemopüata yandeYa peguarä.”

2 CRÓNICAS 5:7

Jare sacerdote reta güɨroike yandeYa ikäjou morogüɨrökuavee päve pegua tupao guasu japɨpe, oñeñono tee kavi yaea pe, araɨgua iä reta ipepo igüɨ pe,

SALMOS 80:1

Eyeapɨsaka Israel iñemuña reta iyangarekoa, nde reyangareko José re vecha re oyeangareko rami vae, nde reiko araɨgua querubín reta iä ipäu pe vae,

SALMOS 80:2

¡Emae kavi Efraín, Benjamín jare Manasés re! ¡Epa, javoi eyu orereroasayepe!

SALMOS 99:1

¡YandeYa ko mburuvicha guasu! Torɨrɨi tëta reta; ¡jae güɨnoi iguapɨa, araɨgua querubín reta iä ipäu pe vae! Tokana opaete ɨvɨ.

ÉXODO 37:9

jare araɨgua iä reta ipepo omoata ñogüɨnoi ñɨ̈ro renda käjou itapa iárambo rupi, oyóvai ñogüɨnoi omae reta reve ñɨ̈ro renda käjou itapa re.

ISAÍAS 37:16

“CheYa Imbaepuere yae ete vae, Israel iTumpa, araɨgua reta querubín iä ipäu pe oiko vae, ndeño ko jae opaete mburuvicha guasu reta ɨvɨ pegua juvicha guasu; nde ko reyapo ara jare ɨvɨ.

EZEQUIEL 10:5

Araɨgua querubín reta ipepo jɨapu oyeendu oka ikatu pegua pe. Tumpa Imbaepuere yae ete vae imiari oï rami.

EZEQUIEL 41:4

Ojäa vi jókuae cuarto ipɨgüe jare pukugüe opaete reve, güɨnoi payandepo metro päve. Jare jei cheve: “Jae ko kuae tupao japɨpe oñeñono tee kavi yae ete vae.”

1 SAMUEL 4:4

Jayave Israel iñemuña reta omondo güeru Silo güi, yandeYa imbaepuere yae vae ikäjou morogüɨrökuavee päve pegua, araɨgua reta iä ipäu pe oiko vae ikäjou. Jare mókoi reve Elí taɨ Ofni jare Finees yogüeru vi.