1 REYES 8:56 - Biblia Guarani Tumpa Iñee

⁵⁶ “¡Toyemboete yandeYa mbɨakatu omee imbae vae tëta Israel pe vae, jae oñererökuavee rupi! Echa mbaetɨ etei ombopombae jae oñererökuavee jembiokuai Moisés rupi vae.

1 REYES 8:56 ပူးပေါင်းရင်းမြစ်များ

2 REYES 10:10

Peikuaa kavi peï, mbaetɨ eteita yandeYa imiari Acab iñemuña reta kotɨ vae opɨta oyeapombae. YandeYa etei oyapo jembiokuai Elías rupi omombeu vae.

1 CRÓNICAS 16:36

¡Toyemboete yandeYa, Israel iTumpa, jekuae avei rupi!’ ” Jare opaete vae reta jei: “¡Amén!”, jare omboete reta yandeYa.

1 CRÓNICAS 22:9

Ërei renoita kuri nderaɨ mbɨakatu jee vae, echa che ameeta chupe opaete jovaicho ketɨ rupigua ipɨakatu vaerä. Jáeramo jeeta Salomón. Jae iara pe omeeta mbɨakatu jare yogüɨreko pɨagüive vaerä Israel.

2 CRÓNICAS 14:6

Omopüa tëta guasu reta jëguambae Judá pe, echa oime ramo mbɨakatu jókuae ɨvɨ pe, jare jókuae ara rupi mbaetɨ oñeraro jae ndive vae, echa yandeYa omee chupe mbɨakatu.

ÉXODO 18:10

jare jei: —Toyemboete yandeYa, Faraón jare Egiptoɨgua reta ipo güi pereepɨ vae jare oepɨ opaete vae Egiptoɨgua reta ipo güi vae,

San Lucas 21:33

Ara jare ɨvɨ opata ko, ërei cheñee ngaraa opa.

DEUTERONOMIO 12:10

Ërei peasa ma Jordán jare peiko ma yandeYa Tumpa omee ɨvɨ pevea pe yave, jae omeeta peve mbutuu opaete peɨvɨrigua tovaicho reta güi, jare peiko pɨagüiveta,

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 3:20

YandeYa omee regua mbutuu perëtara reta pe, pe reta rami, jare jae reta togüɨnoi ɨvɨ imbae retarä yandeYa Tumpa omee chupe reta Jordán jovaicho pe vae; jayave ramo peyu yeta peɨvɨ pe, che amee pevea pe.’

1 SAMUEL 3:19

Jare Samuel okuakuaa, jare yandeYa oï jae ndive, mbaetɨ iñee oasaiño ombopombae reve.