1 REYES 8:5 - Biblia Guarani Tumpa Iñee

⁵ Mburuvicha guasu Salomón jare opaete Israel iñemuña reta ñogüɨnoi jae ndive vae, ñogüɨnoi käjou morogüɨrökuavee päve pegua jóvai, omee vecha reta jare toro reta oyeyukagüe, jeta yae ramo oyepapa rapeä.

1 REYES 8:5 ပူးပေါင်းရင်းမြစ်များ

2 SAMUEL 6:13

Jare jókuae Tumpa ikäjou jerajaa reta omboɨpɨ mi ramo oguata reta yave, ova ramo ipɨ güɨrosɨrɨ reta yave, David oyuka omee Tumpa pe metei güeye jare metei vecha kuimbae oyemongɨragüe.

1 REYES 12:32

Ombojee vi oyeapo vaerä metei arete ikavi yae vae quince ara juri yasɨa pe, Judá pe arete ikavi yae vae oyeapo rami, jare jae etei omee mɨmba oyeyukagüe, mɨmba oyeyuka oyeapɨ jese vae re. Oyapo Bet-el pe, omee mɨmba oyeyukagüe toro taɨrusu iä oyapogüe pe. Jókuae mbaemboete renda oyapoa pe ombojee vi sacerdote retarä.

1 CRÓNICAS 16:1

Jökorai Tumpa ikäjou güeru reta oñono o guakapi pegua David oyapo chupea pe. Javoi omee reta mɨmba oyeyuka opaetei oyeapɨ vae jare mɨmba oyeyuka yembopɨakatu peguarä vae Tumpa jóvai,

2 CRÓNICAS 1:6

Jare Salomón omee mil mɨmba oyeyukagüe opaetei oyeapɨ vae Tumpa pe jókuae mɨmba oyeyuka oyeapɨ jese vae jiero iyu vae re, tupao guakapi pegua yemboatɨ renda jóvai oï vae.

JOEL 1:18

¡Mɨmba reta jäsémbai! Guaka reta ikepegua oeka tëi kapii, vecha reta opa omano ñogüɨnoi.