1 REYES 8:44 - Biblia Guarani Tumpa Iñee

⁴⁴ Tëta ndembae vae ñogüɨnoi yave oñoraro vaerä jovaicho reta ndive kia pe, remondoa pe, joko güi oyerure yave ndeve omae reve kuae tëta nde reiparavogüe kotɨ jare kuae tupao ayapo vae kotɨ,

1 REYES 8:44 ပူးပေါင်းရင်းမြစ်များ

2 SAMUEL 5:19

Jayave David oparandu yandeYa pe jei reve: —¿Aëta pa añoraro filisteo reta ndive? ¿Remoamɨriuka retata pa cheve? Jayave yandeYa jei chupe: —Eë chupe, echa ameeta ndepo pe, remoamɨri reta vaerä.

2 SAMUEL 5:23

Jare David oparandu kuae regua yandeYa pe yave, jae jei chupe: “Agüɨye ekua jóvai kotɨ rupi, ekua ikupe kotɨ rupi chupe reta, ɨvɨra iyaɨsɨ vae reta jenda re katu eë chupe reta.”

1 REYES 8:16

‘Egipto güi tëta chembae anoe güive, mbaetɨ aiparavo tëta metei ave opaete Israel iñemuña reta güi, pɨpe oñemopüa vaerä tupao guasu cheree oï pɨpe vaerä, ërei aiparavo David oï vaerä tëta Israel chembae pe.’

1 REYES 8:45

eendu ara güi iyerure nemoñera reve vae, jare eyapo chupe jupi vae.

2 CRÓNICAS 18:31

Jayave kuae reta oecha yave Josafat, oyemongeta reta jae ko mburuvicha guasu Israel pegua javoi oñova reta oñeraro vaerä jae ndive. Jayave Josafat osapúkai yandeYa pe, jare jae omborɨ. Tumpa ombosɨrɨ chugüi jovaicho reta;

2 CRÓNICAS 20:5

Jayave Josafat oyemboɨ Judá pegua reta jare Jerusalén pegua reta oyemboatɨ joko pe vae ipɨte pe, yandeYa itupao guasu joka ipɨau vae jóvai.

2 CRÓNICAS 32:20

Ërei ngatu mburuvicha guasu Ezequías jare ñeemombeúa Isaías, Amoz taɨ oyerure reta kuae re, jare oeka reta yemborɨ Tumpa pe.

2 CRÓNICAS 6:34

Ndembae vae reta yogüɨraja ñeraroa pe jovaicho reta kotɨ remondoa pe yave, jare oyerure reta omae reve kuae tëta guasu kotɨ jare kuae tupao guasu amopüa ndeve vae kotɨ yave,

DANIEL 6:10

Daniel oikuaa mburuvicha guasu oikuatía ko jee mborookuai re yave, oike jo pe jare oipea iventana Jerusalén kotɨ omae oï vae jare oyetavatɨka oyerure mboapɨ ye ara pe omee reve yasoropai Tumpa pe, oyapoñoi oiko rami.

JUECES 4:6

Jae omondo güeruruka Barac, Abinoam taɨ, tëta Cedes pe oiko vae, jókuae tëta oï Neftalí iñemuña reta iɨvɨ pe, jare jei chupe: —YandeYa Israel iTumpa ndeokuai körai: “Ekua ɨvɨtɨ Tabor pe jare emboatɨ diez mil kuimbae Neftalí iñemuña pegua reta jare Zabulón iñemuña pegua reta.

JUECES 6:14

YandeYa omae jese jare jei chupe: —Jókuae mɨ̈rata renoi vae ndive ekua, jare eepɨ Israel iñemuña reta Madián iñemuña reta ipo güi. Che etei ko romondo.

1 SAMUEL 15:18

Jare yandeYa ndeokuai ndemondo, jare jei: “Ekua, emboai opaete Amalec iñemuña reta, eñeraro jae reta ndive opa remboai regua, iyoa reta jeko pegua.”

1 SAMUEL 15:3

Jáeramo, ekua eporepeña Amalec iñemuña reta re, jare opa emboai opaete mbaembae güɨnoi vae, agüɨye nepïri jese reta; eyuka kuimbae reta, kuña reta, michia reta, jare oa ramo vae reta ave, guaka reta, vecha reta, camello reta jare mburika reta.”

1 SAMUEL 30:8

Jare David oparandu yandeYa pe jei reve: —¿Aaɨkuemoñata pa kuae imonda vae reta? ¿Aupitɨ retata pa? Jare yandeYa jei chupe: —Eaɨkuemoña reta, repɨ̈ro yeta jókuae oipɨɨ güɨrajagüe reta.