1 REYES 8:43 - Biblia Guarani Tumpa Iñee

⁴³ eendu ara pe, jókuae reikoa pe, jare emee chupe opaete jae oiporugüe, ndekuaa vaerä tëtaguasu reta opaete ɨvɨ rupi jare omee mbaemboete ndeve tëta Israel ndembae vae oyapo rami, jökorai toikuaa kuae tupao amopüa ndeve vae pe nderee oyemboete vae.

1 REYES 8:43 ပူးပေါင်းရင်းမြစ်များ

1 REYES 18:36

Jare ou ma oväe oñemee vaerä mɨmba oyeyukagüe opaetei oyeapɨ vaerä yave, ñeemombeúa Elías oya katu jese, jare jei: “¡CheYa, Abraham iTumpa, Isaac jare Israel iTumpa, toyekuaa añave, oime ko reiko Israel iñemuña reta ndive vae, jare che ko nderembiokuai vae, jare ndeporookuai rupi ayapo opaete kuae mbaembae reta vae!

1 REYES 8:60

Jökorai oikuaa reta vaerä opaete ɨvɨ pegua tëtaguasu reta yandeYa jae ko Tumpa, mbaetɨ yé ïru Tumpa vae.

2 REYES 19:19

Añave oreYa Tumpa, romoñera orereroasayepe vaerä ndembaepuere pe, oikuaa vaerä opaete mborookuaía reta ɨvɨ pegua, ndeño ko jae oreYa Tumpa vae.”

1 CRÓNICAS 16:8

“¡Pemboete yandeYa! ¡Pemboete jee! Peikuaauka opaete vae pe jae jembiapo reta.

2 CRÓNICAS 6:33

nde eendu ara güi, reikoa güi, jare emee chupe opaete jae oiporu vae, opaete ɨvɨ pegua reta ndekuaa vaerä jare oipoɨu vaerä ndegüi, ndembae vae reta oipoɨu ndegüi rami, jare toikuaa reta oyemboete ko nderé kuae tupao guasu ayapo ndeve vae pe vae.

SALMOS 102:15

Opaete tëtaguasu reta jare mburuvicha guasu reta oipoɨuta yandeYa jee imboetea yae vae güi.

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

SALMOS 33:14

Jae oikoa güi omae, opaete ɨvɨ pegua reta re.

SALMOS 67:2

opaete tëtaguasu reta ɨvɨ pegua oikuaa vaerä nderemimbota jare ndeporogüɨroasayepe.

SALMOS 86:9

Opaete tëtaguasu reta nde ko reyapo, yogüeruta omee mbaemboete ndeve cheYa, jare omboete yae retata nderee.

ISAÍAS 11:9

Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

JEREMÍAS 25:29

Echa amboɨpɨta amondo cheporonupa tëta guasu chembaerä oñeñono tee vae re, ¿perovia pa pe reta mbaetɨta peñenupa? Ngaraa pepɨta jökoraiño, echa ambouta ñeraro opaete ɨvɨ pegua reta re. Che peYa Imbaepuere yae ete vae ko jae.’

DEUTERONOMIO 26:15

Emae nerëta ikɨambaea güi, ara güi, ndeporerekua tëta Israel ndembae vae re, jare jókuae ɨvɨ remee oreve vae re, rerökuavee nderee re remee vaerä ɨvɨ ikavi yae vae oreñemuñagüe reta pe rami.’

JOSUÉ 4:23

Echa yandeYa Tumpa omotini ɨ̈aka Jordán pegua ɨ perenonde güi opa peasa regua, yandeYa Tumpa oyapo íguasu Pɨ̈ta vae pe rami, echa jae omotini orerenonde opa roasa regua.

JOSUÉ 4:24

Opaete ɨvɨ pegua reta oikuaa vaerä yandeYa imbaepuere, jare pe peipoɨu vaerä yandeYa Tumpa güi opaete ara rupi.”

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

1 SAMUEL 17:46

Jae nemeeta añave chepo pe, che romoamɨrita jare neäka ayasɨata, jare ameeta añave nderete jare filisteo reta jetegüe chucha reta pe jare mbaeporou reta ñana rupigua pe; jökorai opaete ɨvɨ ipo reta oikuaata Tumpa oime ko Israel iñemuña reta ndive vae.