1 REYES 8:38 - Biblia Guarani Tumpa Iñee

^38-39 eendu opaete yerure reta kia ñavo oyerure yave, ani opaete ndembae vae Israel güi, oime yave susere; ërei oupi ipo oyerure kuae tupao kotɨ yave. Nde eendu ara pe, jókuae reikoa pe, jare neɨ̈ro chupe; jare emee metei ñavo pe kërai jeko oï rupi, echa ndeño reikuaa kuimbae reta ipɨa iyemongeta.

1 REYES 8:38 ပူးပေါင်းရင်းမြစ်များ

1 REYES 8:22

Jaɨkue rupi Salomón oñeñono mɨmba oyeyuka oyeapɨ jese vae yandeYa imbae jóvai, opaete Israel iñemuña reta yatɨ vae jóvai, jare omopüa ipo ara kotɨ,

1 REYES 8:37

Karuai yae yave ɨvɨ pe, ani mbaerasɨ ovakatu vae, ani kuaraɨasɨ opa yave omombiru temitɨ, ani mbaerasɨ pire ichuumbi yave, ani tuku, ani temitɨ oipɨte vae reta; tovaicho reta oñova yave orerëta guasu reta jare opüa oreré ani mbae nunga susere ani mbaerasɨ guasu oime yave,

2 CRÓNICAS 6:29

oipotagüe kuimbae ani opaete ndembae Israel iñemuña reta oyerure ndeve yave, oecha isusere jasɨ katu yave jare oyerure ndekotɨ ipo omopüa reve kuae tupao guasu kotɨ yave,

JOB 7:11

Jáeramo, ngaraa chekïrii. Aiporara tëi reve chemiarita, aiporara tëi reve amboetata.

SALMOS 42:11

¿Maera pa ayembopɨtuta? ¿Maera pa ayemoambekota? Cheporoäro anoi Tumpa kotɨño, jekuae ñotai amboete. ¡Jae ko cheRu Tumpa, chereroasayepe vae!

SALMOS 42:6

CheRu Tumpa, chepɨatɨtɨ yae aï. Jáeramo chemaendúa yae ndekotɨ; ɨ̈aka Jordán iɨvɨ kotɨ güi, ɨvɨtɨ Hermón jare Mizar kotɨ güi.

SALMOS 42:9

Jaeta cheTumpa pe, ita guasu cheñepɨ̈roa pe: “¿Maera pa neakañɨ chegüi? ¿Maera pa aikota mbɨatɨtɨ pe, cherovaicho reta jasɨ katu cherereko vae pe?”

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

ÉXODO 9:29

Jare Moisés jei chupe: —Kuae tëta güi aë ñoete aupita chepo ayerure oreYa kotɨ, jare ararɨapu jare amandau osondo vaerä; reikuaa vaerä oreYa ko jae ɨvɨ iya vae.

PROVERBIOS 14:10

Yande aeño yaikuaa yandeyegua, yandepɨatɨtɨ yave ani yayerovia yave.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 37:4

Mbae mona ndeYa Tumpa oendu Rabsaces jeigüe, echa juvicha guasu Asiria pegua ombou iñeeasɨ katu vaerä jare jei vaerä mbae ikavimbae Tumpa oikove vae kotɨ, toiporarauka chupe jókuae jeigüe re; jae oendu ko opaete jókuae ñee reta. Eyerure chupe jembɨre vɨteriño vae reta re.”

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

LEVÍTICO 13:12

Ërei opaetei jete re oñemoai yave pire mbaerasɨ ókui vae, ipɨ güive iñäka kotɨ, sacerdote ipuere oechaa rupi,

JONÁS 2:4

Jayave jae: Chemombo ma nderesa róvai güi; ërei aecha vɨterita nerëta ikɨambae.

Romanos 7:24

¡Këraita pa aiko! ¿Kia ra cheyorata mano imbaepuere oï cheré vae güi?

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.