1 REYES 8:36 - Biblia Guarani Tumpa Iñee

³⁶ eendu chupe reta ara güi, neɨ̈ro nderembiokuai reta iyoa re, Israel tëta ndembae pe, jare emboe reta tape kavi re jupi yogüɨrajata vae re. Jayave embou ama kuae ɨvɨ remee ndembae vae reta pe vae re.

1 REYES 8:36 ပူးပေါင်းရင်းမြစ်များ

1 REYES 18:1

Mboapɨ añoa ma oasa yave, yandeYa jei Elías pe: “Ekua eyeechauka Acab pe, jare che amongɨta ɨvɨ iárambo.”

1 REYES 18:41

Jayave Elías jei Acab pe: —Ekua ekaru jare jeu vino, echa ama tuicha yae vae oyeendu.

1 REYES 18:45

Jare oyapo kuaekuae ramboeve, amapɨtu jare ɨvɨtu opa ombopɨtumimbi ara, jare ou tuicha yae okɨ. Acab ojo Jezreel kotɨ.

SALMOS 119:133

Neñee rupi chereroata, agüɨye emaeño ikavimbae togüɨnoi mbaepuere cheré.

SALMOS 119:33

CheYa Tumpa, chemboe ndeporookuai reta re, ayapota, cherekove iyapɨ regua.

SALMOS 143:8

Ndeimbove yave eikuaauka cheve ndeporoparareko, echa ndereño ayeko. Eikuaauka cheve kërai aiko vaerä, echa ndeveño ayerure.

SALMOS 25:12

Kuimbae oipoɨu ndegüi vae, nde remboeta kërai oiko vaerä.

SALMOS 25:8

YandeYa ko ipɨakavi vae jare jupi vae; jáeramo jae jemimbota oechauka iyoa vae reta pe,

SALMOS 27:11

CheYa, chemboe nderemimbota re, chereroata teko ikavi vae rupi, cherovaicho reta jeko pegua.

SALMOS 32:8

YandeYa jei: “Romboeta jare aikuaaukata ndeve kërai reiko vaerä; ayangareko aveita nderé.

SALMOS 5:8

CheYa, chereroata jupi vae rupi, cherovaicho reta jeko pegua; chereroata nderemimbota rupi.

SALMOS 68:10

Ndembae vae reta oñemoëta joko pe, cheRu Tumpa, ndepɨakavi rupi remee mbae paravete vae reta pe.

SALMOS 68:9

CheRu Tumpa, nde ko rembou jeta okɨ vaerä, ndeɨvɨ otini yae vae rembogüera katu ye.

SALMOS 86:11

CheYa Tumpa, chemboe aguata vaerä nderemimbota rupi, aiko vaerä jupi rupi nderóvai; eñono kavi chepɨa, amboete vaerä nderee.

SALMOS 94:12

CheYa Tumpa, toyekou jókuae kuimbae, nde rembosɨmbi vae, jare ndeporookuai reta re remboe vae,

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 42:3

Eyerure ndeYa Tumpa pe, oechauka vaerä oreve kërai roiko vaerä jare mbae ko royapota vae.

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

JOEL 2:23

¡Sión pegua reta, pe reta vi peyerovia katu jare pevɨakatu yandeYa Tumpa re! Echa ombou peve iara pe kavi tenondegua ama; jare ombou ñotai peve tenondegua ama jare taɨkuegua ete, tenonde rupi rami.

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.