1 REYES 8:27 - Biblia Guarani Tumpa Iñee

²⁷ Ërei ¿añetete ra ko Tumpa oikota ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao amopüagüe!

1 REYES 8:27 ပူးပေါင်းရင်းမြစ်များ

2 CRÓNICAS 2:5

Jókuae tupao guasu amopüata vae tuicha yaeta ko, echa oreTumpa imbaepuere yae vae ko opaete tumpa-raanga reta güi.

2 CRÓNICAS 2:6

Ërei ¿kia pa ipuere omopüa tupao guasu chupe, echa ara reta ave mbaetɨ ipuere iyave? ¿Kia pa che amopüa vaerä tupao guasu chupe, jaeño oyeapɨ vaerä ikäti kavi vae incienso jae jóvai?

2 CRÓNICAS 6:18

Ërei, ¿añetete ra ko Tumpa oikota kuimbae reta ipɨte pe ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao che amopüagüe!

SALMOS 113:4

YandeYa, tuichagüe yae ko opaete tëtaguasu reta re, ¡jaeramiño vi iyemboetea oasa yé ara!

SALMOS 148:4

¡Pemboete, pe ara reta ɨvate yeyé peï vae, jare nde ɨ, reï ara re vae!

SALMOS 68:33

¡Ɨvate ara rupi oguata vae, jae ko oiko ñomai vae! Mase, ko jae oendukata iñee tätagüe vae.

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

JEREMÍAS 23:24

¿Oime ra kia ipuereta oñemi chegüi vae? che, opaete rupi ko aï, ara pe jare ɨvɨ pe. Che peYa ko jae kuae.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

Hechos 17:24

Jae ko Tumpa oyapo ɨvɨ jare opaete mbaembae oï pɨpe vae. Jae ko ara jare ɨvɨ iYa, ërei mbaetɨ oiko tupao reta yande yayapogüe reta pe.

2 Corintios 12:2

Aikuaa metei kuimbae Cristo re güɨrovia vae. Oasa ma catorce año oyereraja mboapɨa ara ɨvategua ete pe. Mbaetɨ aikuaa ojo ra jete reve ani mbaetɨ ra. Tumpaño oikuaa.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

DEUTERONOMIO 10:14

Mase, yandeYa Tumpa imbae ko ara, jare ara ɨvate yae vae jare ɨvɨ, jare opaete mbaembae oï pɨpe vae.

1 Juan 3:1

Mase, kërai yandeRu Tumpa yanderaɨu yae, ñanereenɨi jae taɨ retarä. Jáeramo ɨvɨ pegua reta mbaetɨ yandekuaa, echa jae reta mbaetɨ oikuaa Tumpa.