1 REYES 8:23 - Biblia Guarani Tumpa Iñee

²³ jei: “CheYa, Israel iTumpa, mbaetɨ Tumpa nde rami vae, ɨvate ara pe ave, ani ɨvɨ pe, nde reñovatu morogüɨrökuavee päve nderembiokuai reta peguarä vae, nderóvai oguata kavi, opaete ipɨa ndive kavi vae reta;

1 REYES 8:23 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 33:20

Jaɨkue rupi omopüa mɨmba oyeyuka oyeapɨ jese vae, jare ombojee El-Elohe-Israel.

2 SAMUEL 7:22

jáeramo, nde cheYa Tumpa: ¡Tuichagüe yae ko nde! Echa mbaetɨ ko kia nde rami vae, jare mbaetɨ yé ïru Tumpa ndegüi, echa ore etei ko roendu jókuae.

1 REYES 2:4

Oyeapo vaerä yandeYa iñee oñererökuavee cheve yave jei vae, echa jei: “Nderaɨ reta oyapo yave cheremimbota, oiko reve jupi rupi cheróvai opaete ipɨa ndive jare opaete jekove ndive, ngaraa oata kuimbae neñemuña güi oguapɨ vaerä mborookuaía Israel pegua pe.”

1 REYES 3:6

Jare Salomón jei: “Nde reiparareko yae ete nderembiokuai cheru David, echa jae oguata añetete rupi nderóvai, jupi rupi jare ipɨa isɨmbi ndekotɨ. Jáeramo nde reiparareko tuicha, remee ramboeve chupe taɨ oguapɨ vaerä jekovia pe mburuvicha guasurä, kuae ara oasa oï vae rami.

1 REYES 6:12

“Kuae tupao nde remopüa reï vae regua tae ndeve. Reguata yave opaete cheporookuai reta rupi, jare reiko opaete cheporookuai reta jeigüe rupi yave, che ambopota ndeve opaete cheñee reta nderu David pe jae ndekotɨ vae;

1 REYES 8:24

rembopo neñererökuavee nderembiokuai cheru David pe; rere vae, jare rembopo, añave oasa oï rami.

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

ESDRAS 1:3

Jayave oipotagüe pegüi reta jókuae ɨvɨ pegua, peYa Tumpa imbae vae, jae tapemborɨ, jare pekua Jerusalén kotɨ, ɨvɨ Judá pe, jare pemopüa pɨau ye tupao peYa, Israel Tumpa pe (jae ko Tumpa ete), Jerusalén pe oï vae.

NEHEMÍAS 1:5

Jae körai: “Romoñera cheYa Tumpa ara pe reï vae, imbaepuere yae vae, tuicha yae ete vae jare kɨɨyea yae vae, omboete avei morogüɨrökuavee päve oyapogüe vae, jare reiparareko avei opaete nderaɨu vae reta, jare ndeporookuai reta oyapo vae;

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

SALMOS 113:5

¿Kia pa yandeYa Tumpa rami? ¿Kia pa güɨnoi iporookuaía ɨvate yeyé?

SALMOS 35:10

Opaete chepɨa ndive jaeta: “¿Kia pa nde rami cheYa? Reepɨ oikoasɨ katu vae, imbaepuere yae chugüi vae ipo güi; paravete vae jare mbae oata chupe vae, imbaeyuvanga katu vae güi.”

SALMOS 86:8

CheYa Tumpa, ¡mbaetɨ tumpa-raanga reta güi metei ave nde rami vae! ¡Nderembiapo ave mbaetɨ omboyovake vae!

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ÉXODO 3:15

Tumpa jei ye Moisés pe: —Köraita rere Israel iñemuña reta pe: “YandeYa, peñemuñagüe Abraham, Isaac jare Jacob iTumpa chembou pekotɨ.” Kuae ko jae cheree jekuae avei pegua, kuae tee rupi pemaenduata cheré jekuae avei.

ISAÍAS 40:18

¿Kia ndive pa pepuere pemboyovake Tumpa? ¿Mbae iä pa peyapota Tumpa iärä?

ISAÍAS 40:25

Tumpa Iyoambae oparandu: “¿Kia ndive pa chemboyovaketa pe reta? ¿Kia pa ipuere chemboyovake?”

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 10:6

CheYa, mbaetɨ kia nde rami vae; nde ko tuichagüe, nderee tuichagüe jare imbaepuere yae vae.

DANIEL 9:4

Ayerure cheYa Tumpa pe, ayemombeu reve chupe körai: ‘CheYa, Tumpa tuicha yae vae, jupi ko oyepoɨu vaerä ndegüi, reñererökuavee vae rembopo avei; nde ndeporoparareko, nderaɨu vae reta re jare ndeporookuai oyapo vae reta re;

San Lucas 1:72

oiparareko vaerä ñaneñemuñagüe reta, imaendúa morogüɨrökuavee päve ikɨambae oyapogüe re;

DEUTERONOMIO 7:12

Peendu yave kuae mborookuai reta, peñovatu jare peyapo yave jei peve rami, yandeYa Tumpa omoañeteta peve jókuae morogüɨrökuavee päve jare mboroparareko güɨrökuavee jee re peñemuñagüe reta pe vae.

DEUTERONOMIO 7:9

Peikuaa peyeupe yandeYa Tumpa, jae ko Tumpa; Tumpa jupi vae, ombopo morogüɨrökuavee päve jare mboroparareko opaete iporoaɨu ikotɨ vae reta pe jare oyapo iporookuai vae reta pe;

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!