1 REYES 8:20 - Biblia Guarani Tumpa Iñee

²⁰ Jare yandeYa ombopo iñee jeigüe vae; echa che apüa cheru David jekovia pe, jare aguapɨ Israel pe mburuvicha guasu iguapɨa pe yandeYa jei rami, jare amopüa tupao yandeYa Israel iTumpa jee re.

1 REYES 8:20 ပူးပေါင်းရင်းမြစ်များ

2 SAMUEL 7:12

Jare remano ma yave, che amopüata metei neñemuña güi jare amboguapɨta mburuvicharä.

1 REYES 1:48

Jare jei: “Toyemboete cheYa Israel iTumpa, kuae ara omee metei cheñemuña pe oguapɨ vaerä cheporookuaía pe, aikoveño aï ramboeve.”

1 REYES 8:15

Jei: “Toyemboete yandeYa, Israel iTumpa, cheru David ndive imiari vae, jare iñee ombopo vae, jei reve:

NEHEMÍAS 9:8

Jare reecha ipɨa jupi ndekotɨ, jare reyapo morogüɨrökuavee päve jae ndive, remee vaerä chupe jare iñemuña reta pe cananeo reta iɨvɨ, heteo reta, amorreo reta, ferezeo reta, jebuseo reta jare gergeseo reta imbae. ¡Jare nde rembopo neñee, echa nde ko jupi vae!

SALMOS 138:2

Ayetavatɨkata ndetupao oñeñono tee vae kotɨ amae reve, ameeta yasoropai ndeporoparareko añete vae re, echa rembotuicha nderee jare neñee opaete mbaembae güi.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

EZEQUIEL 12:25

Echa che chemiarita, jare jae vae oyembopota jupivei. Pe tëta ipɨapochɨ vae reta, pe etei ko peechata oyembopo vae. Che peYa ko jae kuae.”

EZEQUIEL 37:14

Jare chepɨ̈túe ameeta peve, peikove ye vaerä; jare poñono yeta peɨvɨ ae pe. Jayave peikuaata che peYa ko jae kuae jare ayapo. Che peYa jae kuae.’ ”

MIQUEAS 7:20

¡CheYa, embopo neñee, arakae güive rerökuavee nderee re mboroparareko oreñemuñagüe Abraham jare Jacob pe vae!

Hechos 7:47

Ërei Salomón omopüa tupao, Tumpa peguarä,

Romanos 4:21

Echa jae oikuaa katu Tumpa imbaepuere yae ko oyapo vaerä opaete jae güɨrökuavee vae.

Filipenses 1:6

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

JOSUÉ 21:45

Mbaetɨ metei ave ñee oyeapombae, opaete ñee ikavigüe yandeYa jei Israel iñemuña reta pe vae, opaetei oyeapo.