1 REYES 8:16 - Biblia Guarani Tumpa Iñee

¹⁶ ‘Egipto güi tëta chembae anoe güive, mbaetɨ aiparavo tëta metei ave opaete Israel iñemuña reta güi, pɨpe oñemopüa vaerä tupao guasu cheree oï pɨpe vaerä, ërei aiparavo David oï vaerä tëta Israel chembae pe.’

1 REYES 8:16 ပူးပေါင်းရင်းမြစ်များ

1 REYES 11:36

Jare Salomón taɨ pe ameeta metei ñemuña, cherembiokuai David iñemuña reta güi oime avei vaerä mburuvicha, oiko vaerä tembipe rami opaete ara rupi cheróvai Jerusalén pe, tëta guasu che aiparavo vae, pɨpe añono vaerä cheree.

1 REYES 8:29

emae avei pɨ̈tu yave jare ara pe kuae o re, kuae: ‘Cheree oïta pɨpe’ rere chupe vae re; jare eendu nderembiokuai yerure oyapo yave kuae o pe.

2 REYES 23:27

Jáeramo yandeYa jei omombo vaerä matɨ iyeugüi Judá, Israel omombo iyeugüi rami, güɨröɨro vaerä tëta Jerusalén, jae oiparavo iyeupe vae, o jae jee oñono tëi joko pe vae.

1 CRÓNICAS 17:3

Ërei jókuae pɨ̈tu voi Tumpa jei Natán pe:

1 CRÓNICAS 28:4

Ërei ngatu yandeYa Israel iTumpa cheparavo opaete cherëtara reta ipɨte güi aiko vaerä mburuvicha guasurä Israel re jekuae avei pegua. Echa jae oiparavo ñemuña Judá mburuvicharä, jare Judá iñemuña güi oiparavo cheru, jare cheru taɨ reta güi che cheparavo aiko vaerä mburuvicha guasurä opaete Israel re.

NEHEMÍAS 1:9

ërei ngatu, peyerova ye chekotɨ yave, peñovatu jare peyapo yave cheporookuai reta, yepe tëi opa peñemoai moai ketɨ ketɨ rupi, joko güi pogüeru yeta. Pogüeruta che aiparavo cheree oï vaerä pɨpea pe.’

SALMOS 132:13

Echa yandeYa oiparavo ɨvɨtɨ Sión. ¡Oiparavo jae oiko vaerä joko pe!

SALMOS 78:70

Oiparavo jembiokuai David, güeru vecha re oyangarekoa güi.

SALMOS 89:3

Reyapo metei morogüɨrökuavee päve David ndive; reñererökuavee nderembiokuai reiparavo vae pe, rere:

JEREMÍAS 7:12

Pekua añave Silo pe, tenonde ete cheree oyemboetea pe, jare pemae jese, kërai ikavimbae ayapo chupe, tëta Israel chembae vae ikavimbae oyapo vae jeko pegua.

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:5

Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.

1 SAMUEL 16:1

YandeYa jei Samuel pe: —¿Kërai yave regua pa reäpirota Saúl? Che aröɨrogüe ma ko, agüɨye vaerä güɨnoi iporookuaía Israel iñemuña reta re. Emotɨnɨe vecha kuimbae-räti asaite pe, jare eyu, romondota Isaí pɨri Belén pe, echa taɨ reta güi aiparavo cheyeupe mburuvicha guasurä.