1 REYES 8:12 - Biblia Guarani Tumpa Iñee

¹² Jayave Salomón jei: “CheYa, nde rere, reikota ko pɨtumimbi pe vae.

1 REYES 8:12 ပူးပေါင်းရင်းမြစ်များ

2 SAMUEL 22:10

Ombotindɨ ara jare ogüeyɨ. ¡Ipɨ igüɨ pe oï amapɨtu jüu vae!

1 REYES 8:11

Jókuae jeko pegua sacerdote reta mbaetɨ ipuere opɨta oyapo iparavɨkɨ pɨpe, echa yandeYa iyemboetea omotɨnɨe yandeYa jo.

NEHEMÍAS 8:5

Esdras oipea tembikuatía opaete vae reta jesa róvai, echa ɨvate oï opaete vae güi; jare oipea yave opaete yatɨ vae reta oñemokïrii.

SALMOS 97:2

Amapɨtu pɨtumimbi vae oñova güɨnoi; iguapɨa imomɨ̈rataa jae ko mbaejupi jare añete vae,

ÉXODO 20:21

Jayave Israel iñemuña reta omae ñogüɨnoi mombɨrɨ güiño, jayave Moisés oya amapɨtu pɨtumimbi oï vae re, echa joko pe Tumpa oï.

ISAÍAS 45:15

Añetete, nde ko jae Tumpa oyeechambae, Israel iTumpa, oporoepɨ vae.

LEVÍTICO 16:2

YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.

DEUTERONOMIO 4:11

Peyemboatɨ ɨvɨtɨ igüɨ pe; jare jókuae ɨvɨtɨ jendɨ opüa ɨvate yeyé, oyeapo amapɨtu jare pɨtumimbi yae.

DEUTERONOMIO 5:22

Kuae ñee reta yandeYa jei iñeeäta reve tata mbɨte güi amapɨtu pɨtumimbía güi, Israel iñemuña reta pe ɨvɨtɨ igüɨ pe, jare mbaetɨ ye mbae jei. Oikuatía mókoi ita ipe vae re, omee cheve.

Hebreos 12:18

Ërei pe reta mbaetɨ ko peya ɨvɨtɨ guasu Sinaí re, jókuae jendɨ vae re, pɨtumimbi jare ɨvɨtuai re,