1 REYES 7:48 - Biblia Guarani Tumpa Iñee

⁴⁸ Salomón oyapouka vi opaete mbaembae yandeYa jo peguarä vae: Ikäti kavi vae incienso oyeapɨ jese vae oro pegua, mesa oro pegua mbɨyape reta mbaemboete pegua oñeñono jese vae;

1 REYES 7:48 ပူးပေါင်းရင်းမြစ်များ

2 REYES 12:13

Ërei jókuae korepoti oyereru yandeYa jo pe vae güi mbaetɨ oyeapo tasa reta korepoti pegua, mechero imecha oyeasɨa pɨpe vae tenasa reta, tasa guasu reta, mimbɨguasu reta, mbaetɨ metei ave ïru tembiporu reta oro ani korepoti pegua oyeapo yandeYa itupao peguarä,

2 REYES 24:13

Jaɨkue rupi Nabucodonosor güɨnoe joko güi opaete yandeYa jo pe mbaembae jepɨ vae oñeñovatu vae, jare opaete mbaembae jepɨ vae mburuvicha guasu jo pe oñeñovatu vae, jare opaetei oyoka mbaembae oro pegua, Salomón mburuvicha guasu Israel pegua oyapo yandeYa jo peguarä vae reta, yandeYa omoërakua rami.

2 REYES 25:15

Jaeramiño vi sundaro oporoäro vae reta juvicha güɨraja opaete tembiporu reta oro pegua jare korepoti pegua: Tätapɨi-rɨru jare tasa guasu.

2 CRÓNICAS 4:19

Jökorai Salomón oyapo opaete tembiporu reta, Tumpa itupao guasu peguarä, jare ikäti kavi vae incienso oyeapɨ jese vae oro pegua, jare mesa oro pegua mbɨyape reta mbaemboete pegua oñeñono jese vae,

2 CRÓNICAS 4:8

Jaeramiño vi oyapo payandepo mesa jare oñono tupao guasu pe pandepo iyakatu kotɨ jare pandepo iyasu kotɨ. Oyapo vi cien tasa guasu oro pegua.

JOB 28:1

Añete, korepoti oime jenda ɨvɨgüɨ pe, oro oime kia pe oyembokavi vaerä.

ÉXODO 39:36

mesa jare opaete ivaso reta, jare mbɨyape mbaemboete pegua;

ÉXODO 39:38

ikäti kavi vae incienso oyeapɨ jese vae oro pegua, asaite yeparavo pegua, incienso ikäti kavi yae vae, asoya tupao guakapi pegua jöke reguarä;

ÉXODO 40:26

Oñono vi ikäti kavi vae incienso oyeapɨ jese vae oro pegua tupao guakapi pegua japɨpe, asoya o imboyaoa jóvai,

EZEQUIEL 40:39

Öke yaikea iyɨke pe oï mókoi mesa, jare iyɨke jovaicho pe mókoi mesa vi, jókuae reta re oñeaseokɨ̈ti mɨmba oyeyukagüe opaetei oyeapɨ vaerä vae, ñɨ̈ro pegua jare mbaeyoa regua.

EZEQUIEL 40:42

Jókuae irundɨ mesa reta jae ko ita oñeopagüe pegua; jókuae re oñeñono tembiporu reta oñeaseokɨ̈ti pɨpe mɨmba oyeyukagüe opaetei oyeapɨ vaerä vae jare mɨmba oyeyuka oyeapɨ vaerä vae; pukugüe jare ipɨgüe güɨnoi setenta y cinco centímetro päve, jare ɨvategüe güɨnoi cincuenta centímetro.

EZEQUIEL 41:22

Ikäti kavi vae incienso oyeapɨ jese vae ɨvɨra pegua, güɨnoi metro y medio ɨvategüe jare metei metro ipɨgüe. Güɨnoi ekina reta, jare iguapɨka jare iyɨke yɨke ɨvɨra pegua, jare jei cheve: “Jae ko kuae mesa yandeYa jóvai oï vae.”

EZEQUIEL 44:16

Jae reta oiketa chetupao pe jare oya retata mɨmba oyeyuka oyeapɨ jese vae re oyeokuai reta vaerä cheve, jae reta oyapota cheporookuai.

MALAQUÍAS 1:12

Jare pe reta pemboeteä ko pere yave: “Mɨmba oyeyuka oyeapɨ jese vae yandeYa imbae ikɨa yae jare tembíu oï joko pe vae yandemboyuguaru.”

San Mateo 12:4

David oike Tumpa jo pe jare jou mbɨyape mbaemboete pegua. Agüɨyeta tëi jou David jare jae ndive ñogüɨnoi vae reta. Jaeño sacerdote reta ipuere jou.

1 Corintios 10:21

Mbaetɨ ko jaekavi peu vino oyembojaanga yandeYa jugüɨ re vae jare vi vino aña reta pe oñemee vae. Jaeramiño mbaetɨ ko jaekavi peu mbɨyape oyembojaanga yandeYa jete re vae jare vi soo aña reta pe oñemee vae.