1 REYES 7:19 - Biblia Guarani Tumpa Iñee

¹⁹ Iyapɨte regua reta ñogüɨnoi okɨta reta korero jenonde kotɨgua re vae, güɨnoi mókoi metro seri jare güɨnoi tüpa-ɨpɨecha iä.

1 REYES 7:19 ပူးပေါင်းရင်းမြစ်များ

1 REYES 6:18

Opaete japɨpe oñeova ɨ̈vɨrare oñeopagüe pe oñemopöra kavi reve andai iä pe jare mbaepotɨ iä pe. Opaete kuae reta ɨ̈vɨrare pegua, mbaetɨ etei oyekuaa metei ave ita yepe.

1 REYES 7:18

Oyapo vi mókoi ñesɨro temitɨ granada jee vae ia iä, jókuae oñeope vae jembeɨ rupi güɨroyere vaerä oñono, oñova vaerä okɨta iyapɨte regua reta. Jókuae mókoi okɨta iyapɨte reguarä.

1 REYES 7:20

Jókuae mókoi okɨta vae iyapɨte regua reta güɨnoi temitɨ granada jee vae ia iä, dosciento, mókoi ñesɨro güɨroyere jese metei ñavo re, jókuae jɨ̈epoa rupi.

1 REYES 7:22

Okɨta iyapɨte güɨnoi tüpa-ɨpɨecha vae iä. Jökorai opa oyeapo mbaravɨkɨ okɨta reta regua.