1 REYES 7:14 - Biblia Guarani Tumpa Iñee

¹⁴ jae ko metei kuña imemano vae imembɨraɨe, Neftalí iñemuña reta pegua, tu oparavɨkɨse jiero iyu vae pe Tiro pe. Hiram oikatu yae, ipɨarakuaa yae jare ipoki yae oyapo vaerä opaño mbaembae jiero iyu vae pegua, jayave jae ou mburuvicha guasu jóvai jare oyapo opaete iparavɨkɨ reta chupe.

1 REYES 7:14 ပူးပေါင်းရင်းမြစ်များ

2 CRÓNICAS 2:14

jae ko metei kuña Dan iñemuña pegua imembɨ, ërei tu jae ko Tiro pegua, jae oikatu oparavɨkɨ oro pe, korepoti pe, jiero iyu vae pe, ita pe, ɨvɨra pe, vecharaagüe pɨ̈taü vae pe, jovɨ vae pe, temimonderä lino pɨ̈ta vae pe, oikatu vi mbae iä oyapo jare opaño mbae iä yaiporu chupe vae, jae oïta nderembiokuai reta ndive jare nderugüe David jembiokuai oikatu oparavɨkɨ vae reta ndive.

2 CRÓNICAS 2:6

Ërei ¿kia pa ipuere omopüa tupao guasu chupe, echa ara reta ave mbaetɨ ipuere iyave? ¿Kia pa che amopüa vaerä tupao guasu chupe, jaeño oyeapɨ vaerä ikäti kavi vae incienso jae jóvai?

2 CRÓNICAS 4:11

Hiram oyapo vi yapepo reta, sɨpe reta jare tasa guasu reta. Jökorai Hiram opa oyapo mbaravɨkɨ mburuvicha guasu Salomón pe, Tumpa itupao guasu peguarä.

2 CRÓNICAS 4:16

jare yapepo reta, sɨpe reta, tɨ̈ai reta. Hiram-abi oyapo opaete tembiporu reta jiero iyu vae ikavi yae vae pegua mburuvicha guasu Salomón pe, yandeYa itupao guasu peguarä.

ÉXODO 28:3

Emomiari opaete ipoki ombaapo vae, arakuaa amee chupe vae reta, oyapo reta vaerä temimonde Aarón peguarä, jökorai oñeñono tee vaerä chesacerdoterä.

ÉXODO 35:30

Moisés jei Israel iñemuña reta pe: “Mase, Judá iñemuña pegua güi yandeYa oiparavo Bezaleel, Uri taɨ, Ur jɨmɨmino.

ÉXODO 35:31

Jare omee chupe Tumpa iEspíritu, arakuaa katu, oikuaa katu yae vaerä mbaembae jare ipoki yae vaerä opaete mbaembae oyapo,

ÉXODO 35:35

Jare omee chupe reta arakuaa katu, oyapo reta vaerä opaete mbaravɨkɨ oñeopa oyeapo vae, jare oikatu iyeɨgüi aeño mbae ojäa kavi oyapo vae, temimonde oyekuatía vaerä, vecharaagüe inimbo jovɨ vae, pɨ̈taü vae, pɨ̈taasɨ vae pe jare lino pegua pe, jare mbae oñepöva oyeapo vae pegua, oyapo reta vaerä oipotagüe mbaravɨkɨ; jare oyapo reta vaerä opaete mbaravɨkɨ kërai oñejäa kavi jare oñemopöra kavi oyeapo vae.

ÉXODO 36:1

Jayave, Bezaleel jare Aholiab, jare opaete kuimbae ipɨa arakuaa vae reta, yandeYa omee arakuaa katu chupe vae reta, oikatu vaerä oyapo opaete mbaravɨkɨ o mbaemboetea pegua vae toyapo, opaete mbaembae yandeYa oporookuai jese vae.”

ÉXODO 36:8

Opaete jókuae oparavɨkɨ vae reta güi ipɨa arakuaa vae reta oyapo tupao guakapi pegua, payandepo asoya güɨnoi vae jare lino oñepövagüe pegua, vecharaagüe inimbo jovɨ vae, pɨ̈taü vae, pɨ̈taasɨ vae, oyapo reta vi jese ipoki rupi araɨgua reta iä.

ISAÍAS 28:26

Echa Tumpa ko omboe kavi kërai oyapo vaerä.