1 REYES 6:5 - Biblia Guarani Tumpa Iñee

⁵ Omopüa vi ovapetea ikupe rupi o reta, güɨroyere etei oyapo o reta tupao guasu jovapetea re,

1 REYES 6:5 ပူးပေါင်းရင်းမြစ်များ

1 REYES 6:16

Oyapo vi tupao jugua pe o chau metro ipɨgüe vae, jare oñova ɨ̈vɨrare oñeopagüe pe ɨvate güive ɨ́vɨkotɨ, oyapo kavi yae, tupao japɨpe oñeñono tee kavi yae Tumpa peguarä vae.

1 REYES 6:31

Tupao japɨpe oñeñono tee kavi yae vae jökerä oyapo ɨvɨra olivo pegua, jare öke-ɨta oyepɨasa vae ndive güɨnoi pandepo ekina.

1 REYES 6:6

igüɨ pegua ete cuarto güɨnoi mókoi metro veinticinco centímetro ipɨgüe, jare cuarto mbɨte pegua güɨnoi mókoi metro setenta y cinco centímetro ipɨgüe, jare cuarto iárambo ete güɨnoi mboapɨ metro quince centímetro ipɨgüe; echa tupao ikupe rupi omomichi äve, agüɨye vaerä oguambɨ etei oyoo reta.

1 CRÓNICAS 23:28

jare yogüɨreko sacerdote Aarón taɨ reta jeia re mbaravɨkɨ Tumpa jo pegua pe, joka pe ani cuarto reta rupi jare yetɨo opaete tembiporu oñeñono tee vae re, jökorai vi opaete ïru mbaravɨkɨ tupao pegua.

1 CRÓNICAS 28:11

Jayave David omee taɨ Salomón pe, tupao iä oñejäa kërai oyeapo vaerä vae regua, o oñemopüa vae jare oñeñovatu mbae pɨpe vae, o ɨvate vae pegua o raɨ reta, jare tupao rapɨpe ñɨ̈ro renda.

1 CRÓNICAS 9:26

Ërei irundɨ levita reta öke iyangarekoa tenondegua vae ñogüɨnoi avei öke pe, oyangareko o reta re jare yandeYa jo pe mbaembae jepɨ vae oñeñovatúa re.

2 CRÓNICAS 31:11

Jókuae jeko pegua Ezequías oyapouka o mbae oñeñovatúa yandeYa jo pe. Jare opa ma oyapo reta yave,

2 CRÓNICAS 4:20

jaeramiño vi mechero renda reta, jare mechero oro oyeambae pegua omoendɨ reta vaerä tupao japɨpe oñeñono tee kavi yae vae jóvai, mborookuai oñemee rami,

2 CRÓNICAS 5:7

Jare sacerdote reta güɨroike yandeYa ikäjou morogüɨrökuavee päve pegua tupao guasu japɨpe, oñeñono tee kavi yaea pe, araɨgua iä reta ipepo igüɨ pe,

2 CRÓNICAS 5:9

Jókuae ɨvɨra Tumpa ikäjou ivoɨka reta puku ete, oyekuaaño tupao japɨpe oñeñono tee vae güi, ërei mbaetɨ oyekuaa ikatu güi, jare jökorai opɨta añave regua.

NEHEMÍAS 10:37

Jare roñeñono vi rogüɨraja vaerä mbaembae oñeñovatúa pe ñaneTumpa jo pegua pe tenondegua trigo ikuigüe, opaete ɨvɨra iarɨpɨ reta, vino jare olivo iasaite sacerdote reta peguarä, jare levita reta peguarä, opaete roarɨvogüe güi, payandepo vae güi metei, jare jae reta etei omboresive vaerä jókuae payandepo güi metei vae tëta ñavo rupi.

NEHEMÍAS 12:44

Jókuae ara oyeparavo kuimbae reta oyangareko vaerä mbaembae jepɨ vae oñeñovatúa re, mbota reta oñeñovatúa re, mbaagüɨyerɨpɨ oñeñovatúa re, payandepo güi metei oñemee vae oñeñovatúa re, jae reta oñovatu vaerä pɨpe opaete mbaembae oyereru tëta ñavo güi vae, sacerdote jare levita reta peguarä vae; echa Judá pegua reta oyerovia yae sacerdote jare levita reta oyeokuai ñogüɨnoi vae reta ndive.

SALMOS 28:2

Eendu romoñera vae, asapúkai ndekotɨ yave, chepo aupi ndetupao oñeñono tee vae kotɨ yave.

ÉXODO 25:22

Joko pe ayekuaaukata jare chemiarita ndeve, opaete mborookuai reta ameeta Israel iñemuña reta peguarä vae re, jókuae ñɨ̈ro renda iárambo güi, jókuae mókoi araɨgua reta käjou iárambo ñogüɨnoi vae ipäu güi.

CANTARES 1:4

¡Chereraja nderupíe! ¡Yaja! ¡Chereraja ndero pe, mburuvicha guasu! Rovɨakatu jare royerovia yaeta ko nde ndive, royekouta ndeporoaɨu re, oasa yeta vino güi. ¡Jáeramo yepe, nderaɨu yae kuñatai reta!

JEREMÍAS 35:2

“Ekua Recab iñemuña reta jëta pe jare nemiari jae reta ndive. Eroike reta yandeYa itupao pe metei cuarto pe jare emee tou reta vino.”

JEREMÍAS 35:4

jare araja reta tupao pe, Hanán jemimboe reta icuarto pe, jae ko Igdalías taɨ, jae ko metei Tumpa jembiokuai. Jae ko mburuvicha reta icuarto iyɨpɨ pe; Maasías, Salum taɨ tupao jöke iyangarekoa icuarto iárambo.

EZEQUIEL 40:17

Kuae jaɨkue rupi chereraja tupao joka tuicha vae pe, joko pe aecha cuarto reta, opaete jókuae oka re oyereroyere piso ita pegua; jare treinta cuarto reta oyere jese.

EZEQUIEL 40:44

Tupao joka michi vae jöke ɨvɨtuguasu kotɨgua iyɨpɨ pe, oï otairari vae reta icuarto, jókuae cuarto omae arayevɨ kotɨ; ïru cuarto oï öke arayevɨ kotɨgua iyɨpɨ pe, jókuae cuarto omae ɨvɨtuguasu kotɨ; jae ko kuaraɨ oëa kotɨgua öke jóvai ñogüɨnoi vae.

EZEQUIEL 41:4

Ojäa vi jókuae cuarto ipɨgüe jare pukugüe opaete reve, güɨnoi payandepo metro päve. Jare jei cheve: “Jae ko kuae tupao japɨpe oñeñono tee kavi yae ete vae.”

LEVÍTICO 16:2

YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.

NÚMEROS 7:89

Moisés oike tupao guakapi pegua pe, imiari vaerä Tumpa ndive yave, oendu yandeYa iñee ñɨ̈ro renda iárambo güi, jókuae mókoi araɨgua querubín iä ipäu güi, jare imiari jae ndive.