1 REYES 6:21 - Biblia Guarani Tumpa Iñee

²¹ Jökorai Salomón oñova oro oyeambae pe opaete tupao japɨpe, jare japɨpe oñeñono tee kavi yae vae jenonde oñono karena oro pegua.

1 REYES 6:21 ပူးပေါင်းရင်းမြစ်များ

1 REYES 6:20

Jókuae tupao japɨpe oñeñono tee kavi yae vae güɨnoi chau metro päve ipɨgüe jare ɨvategüe, jare oñova oro oyeambae pe; jaeramiño vi ikäti kavi vae incienso oyeapɨ jese vae ɨ̈vɨrare pegua oñova oro pe.

1 REYES 6:22

Opaete tupao oñova oro pe ɨvate güive ɨ́vɨkotɨ, jökoraiño vi ikäti kavi vae incienso oyeapɨ jese vae, tupao japɨpe oñeñono tee kavi yae vae jóvai oï vae.

1 REYES 6:5

Omopüa vi ovapetea ikupe rupi o reta, güɨroyere etei oyapo o reta tupao guasu jovapetea re,

ÉXODO 26:29

Toñova reta oro pe ɨvɨra oñeopagüe reta, jare toyapo reta chupe argolla oro pegua, omboasa reta vaerä jokoropi ɨvɨra oyepɨasa vae reta, jare toñova reta vi oro pe jókuae ɨvɨra oyepɨasa vae reta.

ÉXODO 36:34

Jare oñova reta oro pe ɨvɨra oñeopagüe reta, jare oyapo reta chupe argolla reta oro pegua, jokoropi oasa vaerä ɨvɨra oyepɨasa vae, opa vi oñova reta oro pe ɨvɨra oyepɨasa vae reta.