1 REYES 6:19 - Biblia Guarani Tumpa Iñee

¹⁹ Salomón oyapo kaviuka, o oñeñono tee kavi yae Tumpa peguarä vae, oñono vaerä pɨpe käjou morogüɨrökuavee päve pegua yandeYa imbae.

1 REYES 6:19 ပူးပေါင်းရင်းမြစ်များ

1 REYES 6:16

Oyapo vi tupao jugua pe o chau metro ipɨgüe vae, jare oñova ɨ̈vɨrare oñeopagüe pe ɨvate güive ɨ́vɨkotɨ, oyapo kavi yae, tupao japɨpe oñeñono tee kavi yae Tumpa peguarä vae.

1 REYES 6:18

Opaete japɨpe oñeova ɨ̈vɨrare oñeopagüe pe oñemopöra kavi reve andai iä pe jare mbaepotɨ iä pe. Opaete kuae reta ɨ̈vɨrare pegua, mbaetɨ etei oyekuaa metei ave ita yepe.

1 REYES 6:20

Jókuae tupao japɨpe oñeñono tee kavi yae vae güɨnoi chau metro päve ipɨgüe jare ɨvategüe, jare oñova oro oyeambae pe; jaeramiño vi ikäti kavi vae incienso oyeapɨ jese vae ɨ̈vɨrare pegua oñova oro pe.

1 REYES 6:5

Omopüa vi ovapetea ikupe rupi o reta, güɨroyere etei oyapo o reta tupao guasu jovapetea re,

2 CRÓNICAS 4:20

jaeramiño vi mechero renda reta, jare mechero oro oyeambae pegua omoendɨ reta vaerä tupao japɨpe oñeñono tee kavi yae vae jóvai, mborookuai oñemee rami,

2 CRÓNICAS 5:7

Jare sacerdote reta güɨroike yandeYa ikäjou morogüɨrökuavee päve pegua tupao guasu japɨpe, oñeñono tee kavi yaea pe, araɨgua iä reta ipepo igüɨ pe,

SALMOS 28:2

Eendu romoñera vae, asapúkai ndekotɨ yave, chepo aupi ndetupao oñeñono tee vae kotɨ yave.