1 REYES 6:12 - Biblia Guarani Tumpa Iñee

¹² “Kuae tupao nde remopüa reï vae regua tae ndeve. Reguata yave opaete cheporookuai reta rupi, jare reiko opaete cheporookuai reta jeigüe rupi yave, che ambopota ndeve opaete cheñee reta nderu David pe jae ndekotɨ vae;

1 REYES 6:12 ပူးပေါင်းရင်းမြစ်များ

2 SAMUEL 7:5

“Ekua ere cherembiokuai David pe, kërai jae mbaetɨta omopüa o aiko pɨpe vaerä vae.

1 REYES 11:10

jae oyókuai yepe agüɨye vaerä omboete tumpa ambuae reta; ërei jae mbaetɨ oyapo yandeYa oyókuai vae.

1 REYES 3:14

Jare reguata yave cheremimbota rupi, reñovatu reve cheporookuai reta, nderu David oguatase rami, che ambopukuta nderekove.”

1 REYES 6:11

Jare yandeYa jei Salomón pe:

1 REYES 8:25

Añave cheYa, Israel iTumpa, embopo nderembiokuai cheru David pe rerökuavee rere reve vae: Cheróvai mbaetɨta oata ndeve neñemuña güi oguapɨ vaerä mburuvicha guasurä Israel pe, nderaɨ reta oyapo ko yave cheporookuai reta, jare oguata kavi reta ko yave cheresa róvai rupi, nde cheróvai reguata kavi rami.

1 CRÓNICAS 22:10

Jae omopüata o cheree re. Jare jae oïta cheraɨrä jare che aïta turä, jare iporookuaía amoañeteta Israel pe jekuae avei pegua.’

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

SALMOS 132:12

“Añonota ndeporookuaía pe metei neñemuña reta güi, jae reta oyapo cheporogüɨrökuavee päve jare cheporookuai amboe retata vae yave, neñemuña reta vi oguapɨta ndeporookuaía pe jekuae avei pegua.”

JEREMÍAS 7:5

Ërei peñono kavi pereko reta jare peñeñono kavi ikavimbae peyapo vae reta güi yave, jare peyapo yave jupi vae oyoupe perapicha reta ndive,

ZACARÍAS 3:7

“YandeYa Imbaepuere yae ete vae jei körai: ‘Reguata jare reiko yave cheremimbota rupi, reporookuaita chero pe, reyangarekota vi cheroka re, jare ameeta ndeve reï vaerä kuae oyeokuai cheve vae reta ndive.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.