1 REYES 5:9 - Biblia Guarani Tumpa Iñee

⁹ Cherembiokuai reta güɨrogüeyɨta Líbano güi ɨguasu jembeɨ pe, jare joko güi amondoukata oyeokua reve, nde remombeu chevea pe. Joko pe oyeyorata, jare nde joko güi rerajata jókuae ɨvɨra. Jare nde eyapo vi che aipota vae, remee vaerä tembíu chero pegua reta pe.”

1 REYES 5:9 ပူးပေါင်းရင်းမြစ်များ

1 REYES 3:12

mase, ko ayapo ndeve reiporu rami: Ko amee ndeve arakuaa katu, mbaetɨi nde rami vae nde ndei reiko mbove, jare ngaraa ye kia opüa nderaɨkue rupi nde rami vae.

1 REYES 4:20

Ɨvɨ Judá jare ɨvɨ Israel pegua reta jeta yae ko, ɨguasu jembeɨ pe jeta ɨvɨkuitï oï rami. Mbaetɨ oata tembíu jare iɨguarä, oyerovia katu yogüɨreko.

1 REYES 5:10

Jare Hiram omee Salomón pe ɨ̈vɨrare oñeopagüe, jare pino oñeopagüe, jeta jae oipota rami.

1 REYES 5:8

Javoi Hiram omondo jei Salomón pe: “Amboresive ñee rembou cheve vae, jare ambopota ndeve ɨvɨra reiporu vae: Ɨ̈vɨrare jare pino.

1 REYES 9:27

Hiram omondo jókuae barco reta pe jembiokuai reta, oikatu ɨ rupi oguata vae reta Salomón jembiokuai reta ndive.

2 CRÓNICAS 1:15

Jare mburuvicha guasu omboatɨ Jerusalén pe jeta korepoti jare oro, ita jeta rami jare jeta ɨ̈vɨrare ɨvaviyu jeta ɨvɨpe kavi rupi rami.

2 CRÓNICAS 2:16

Jare toroyasɨa Líbano pe ɨvɨra nde reipota vae, jare rogüɨrajata ndeve barco pe ɨguasu rupi Jope pe. Jare joko güi nde erajauka Jerusalén pe.”

2 CRÓNICAS 9:22

Jare mburuvicha guasu Salomón oyapɨraa opaete mburuvicha reta ɨvɨ pegua, mbaeyekou pe jare arakuaa katu pe.

ESDRAS 3:7

Jare omee reta korepoti, o iyapoa reta pe jare ipoki oparavɨkɨ ɨvɨra pe vae reta pe, Tiroɨgua reta pe jare Sidón pegua reta pe omee tembíu, vino jare olivo iasaite güeru reta vaerä ɨ̈vɨrare Líbano güi ɨguasu rupi Jope pe, Ciro mburuvicha guasu Persia pegua jei rami.

JOB 32:8

Añete, opaete kuimbae oime güɨnoi arakuaa, echa Imbaepuere yae ete vae oikuaauka chupe.

ECLESIASTÉS 1:16

Jayave jae cheyeupe: “Che chetuicha yae aï jare chearakuaa yae opaete tenonde rupi yogüɨreko mburuvicha guasurä kuae Jerusalén pe vae reta güi; chearakuaa yae opaete mbaembae pe.

EZEQUIEL 27:17

Jaeramiño vi Judá jare Israel pegua reta ombaegua ndegüi, omboepɨ reta ndeve trigo Minit pegua pe jare Panag pegua pe, ei pe, olivo iasaite pe jare ɨvɨra iyaɨsɨgüe pe.

Hechos 12:20

Jare Herodes iyarasɨ oiko Tiro pegua reta jare Sidón pegua reta kotɨ. Jayave jae reta metei rami yogüeru ípɨri, jare oñemoïru reta metei mburuvicha guasu iyɨvɨrigua Blasto jee vae ndive. Jae reta jei chupe agüɨye vaerä mburuvicha guasu iyarasɨ ikotɨ reta. Echa jae reta güɨnoe jembiurä mburuvicha guasu Herodes iɨvɨ güi.

DEUTERONOMIO 3:25

Romoñera aasa vaerä aecha jókuae ɨvɨ ikavi yae vae, Jordán güi kutɨ oï vae, jókuae ɨvɨtɨ kavi jare Líbano.’