1 REYES 5:5 - Biblia Guarani Tumpa Iñee

⁵ Che, jáeramo añave añeñono amopüa vaerä tupao cheYa Tumpa peguarä, cheru David pe yandeYa jei rami: ‘Nderaɨ, che añonota nderekovia pe mburuvicha guasurä vae, jae omopüata tupao cheree re.’

1 REYES 5:5 ပူးပေါင်းရင်းမြစ်များ

1 REYES 8:19

ërei nde mbaetɨta remopüa jókuae o, nderaɨ renoita vae, jae omopüata tupao cheree re.’

2 REYES 18:31

Agüɨye perovia Ezequías. Echa mburuvicha guasu Asiria pegua jei: “Peyapo che ndive mbɨakatu jare peë cherövaiti, jökorai yave metei ñavo pepuereta peu peuva, peɨva jare ɨ peuta peɨrɨru güi aeño,

1 CRÓNICAS 17:12

Jae omopüata metei o cheve, jare che ameeta oiko avei vaerä iporookuaía.

1 CRÓNICAS 22:10

Jae omopüata o cheree re. Jare jae oïta cheraɨrä jare che aïta turä, jare iporookuaía amoañeteta Israel pe jekuae avei pegua.’

1 CRÓNICAS 28:10

Mase, añave yandeYa ndeparavo remopüa vaerä chupe metei o mbaemboete pegua. ¡Jáeramo, eñemoäta ngatu jare eyapo!’ ”

1 CRÓNICAS 28:6

YandeYa jei vi cheve: ‘Nderaɨ Salomón omopüata chero jare cheroka, echa aiparavo cheraɨrä, jare che aïta turä,

LEVÍTICO 25:18

Peyapo cheporookuai reta, jare peñovatu pepɨa pe. Peyapo yave peiko pɨagüiveta jókuae ɨvɨ pe;

LEVÍTICO 25:19

yagüɨye kavita peremitɨ reta, jeta mbae penoita peu vaerä, jare peiko pɨagüiveta jókuae ɨvɨ pe.

MIQUEAS 4:4

Metei ñavo vae oguapɨta jemitɨ uva jare ɨva igüɨ pe, jare ngaraa ye ma kia omongɨɨye. ¡Echa yandeYa Imbaepuere yae ete vae ko jökorai jei!

ZACARÍAS 3:10

Jókuae ara metei ñavo pegüi reta opareata iñeïru pe okaru päve vaerä uva igüɨ pe jare ɨva igüɨ pe, jei yandeYa Imbaepuere yae ete vae.’ ”

DEUTERONOMIO 33:28

Israel iñemuña reta yogüɨreko pɨagüiveta, yogüɨrekota mbɨakatu rupi, ɨvɨ omoñemuña trigo jare uva pɨpea pe, ngaraa oata ɨsápɨi ara güi chupe reta.

JUECES 20:1

Jayave opaete Israel iñemuña reta ñogüɨnoe, Dan güive Beerseba jare Galaad kotɨ güi, oyomboatɨ reta metei rami Mizpa pe, yandeYa jóvai.