1 REYES 5:4 - Biblia Guarani Tumpa Iñee

⁴ Añave cheYa Tumpa omee cheve mbɨakatu opaete rupi; echa mbaetɨ tovaicho reta, mbaetɨ mbae ikavimbae güi yakɨɨye vaerä.

1 REYES 5:4 ပူးပေါင်းရင်းမြစ်များ

2 SAMUEL 7:5

“Ekua ere cherembiokuai David pe, kërai jae mbaetɨta omopüa o aiko pɨpe vaerä vae.

1 REYES 11:25

Jae oiko Israel iñemuña reta jovaichorä opaete ara Salomón oikove oiko ramboeve. Kuae ombojeiete teko, Hadad oyapogüe, echa omotareɨ Israel iñemuña reta. Jökorai Rezón ou oyeapo mburuvicha guasurä Siria pe.

1 REYES 4:24

echa Salomón güɨnoi vi mbaepuere Éufrates güi kuaraɨ oikea kotɨgua ɨvɨ re, Tifsa güive Gaza pe, jare opaete joko pegua mburuvicha reta re, jare oime mbɨakatu opaete ɨvɨ iyɨ́vɨri rupigua reta ndive.

1 REYES 5:18

Jare tupao iyapoa reta Salomón jare Hiram jembiokuai reta, jare kuimbae Gebal pegua reta, oyasɨa jare ombokavi reta ɨvɨra, jare oñopa reta ita reta tupao oñemopüa pɨpe vaerä.

2 REYES 18:8

Omoamɨri vi filisteo reta Gaza kotɨ güɨraja güɨroväe regua; maeka ɨvate vae reta güive tëta guasu reta oñekëse kavi vae kotɨ.

1 CRÓNICAS 22:9

Ërei renoita kuri nderaɨ mbɨakatu jee vae, echa che ameeta chupe opaete jovaicho ketɨ rupigua ipɨakatu vaerä. Jáeramo jeeta Salomón. Jae iara pe omeeta mbɨakatu jare yogüɨreko pɨagüive vaerä Israel.

ESDRAS 4:20

Jare Jerusalén pe yogüɨrekose yepi mburuvicha guasu imbaepuere yae vae reta, iporookuaía reta oupitɨ yepi ɨ̈aka Éufrates jovaicho rupi, jare omboepɨuka yepi chupe reta opaete mbaembae regua.

SALMOS 72:7

¡Toporookuai jupi rupi, mbɨakatu toime jókuae ara rupi, mbaetɨ ma yasɨ regua!

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

JOSUÉ 15:47

Tëta guasu Asdod, tëta reta ndive jare tëta raɨ raɨ ndive, jare tëta guasu Gaza, tëta reta ndive jare tëta raɨ raɨ ndive, ɨ̈aka Egipto kotɨ ojo oväe regua, jare Ɨguasu Mediterráneo jee vae jembeɨ.