1 REYES 5:1 - Biblia Guarani Tumpa Iñee

¹ Hiram mburuvicha guasu Tiro pegua omondo vi iyɨvɨrigua reta Salomón pɨri, oendu yave oiparavo reta mburuvicha guasurä tu jekovia pe; echa Hiram oaɨu aeño David.

1 REYES 5:1 ပူးပေါင်းရင်းမြစ်များ

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

2 SAMUEL 5:11

Jáeramo, mburuvicha guasu Hiram tëta Tiro pegua omondo jekovia pe kuimbae reta imiari vaerä David ndive, yogüɨraja vi jeta ipoki oparavɨkɨ ɨvɨra pe vae reta, jare ita iñopaa reta; jae reta oyapo David jo. Güɨraja reta vi ɨ̈vɨrare oñeopagüe.

2 SAMUEL 8:10

omondo taɨ Joram mburuvicha guasu David pɨri, jei vaerä ñee kavi chupe, oñeraro jare omoamɨri Hadad-ezer ramo, echa Toi jovaicho yepe Hadad-ezer; Joram güɨraja mbaembae korepoti pegua, oro pegua jare jiero iyu vae pegua.

1 REYES 10:25

jare opaete vae año ñavo güɨraja chupe mbota: Mbae ipöra yae vae korepoti pegua jare oro pegua, ñeapevaka reta, tembiporu ñeraro pegua, mbae ikäti kavi yae vae, kavayu jare mburika guasu.

1 REYES 5:10

Jare Hiram omee Salomón pe ɨ̈vɨrare oñeopagüe, jare pino oñeopagüe, jeta jae oipota rami.

1 REYES 5:13

Jayave mburuvicha guasu Salomón oenɨiuka opaete Israel rupi mbaravɨkɨ peguarä, jare yatɨ treinta mil kuimbae reta,

1 CRÓNICAS 14:1

Hiram, mburuvicha guasu Tiro pegua, omondo jekovia pe kuimbae reta imiari vaerä David ndive, jare o iyapoa reta jare oikatu oparavɨkɨ ɨvɨra pe vae reta, güɨraja reve ɨvɨra ɨ̈vɨrare omopüa vaerä metei o chupe.

2 CRÓNICAS 17:11

Ërei filisteo reta güeru mbota jare korepoti ombaemboepɨ vaerä Josafat pe, Árabe reta güeru vi mɨmba siete mil seteciento vecha kuimbae jare siete mil seteciento kavara kuimbae.

2 CRÓNICAS 2:3

Jare Salomón omondo jei Hiram mburuvicha guasu Tiro pegua pe: “Eyapo vi che ndive cheru David ndive reyapo rami, nde rembou chupe ɨ̈vɨrare omopüa vaerä jorä.

2 CRÓNICAS 9:26

Jare güɨnoi mbaepuere opaete mburuvicha guasu reta re Éufrates güive filisteo reta iɨvɨ kotɨ jare ɨvɨ Egipto jembeɨ pe.

ESDRAS 4:20

Jare Jerusalén pe yogüɨrekose yepi mburuvicha guasu imbaepuere yae vae reta, iporookuaía reta oupitɨ yepi ɨ̈aka Éufrates jovaicho rupi, jare omboepɨuka yepi chupe reta opaete mbaembae regua.

SALMOS 45:12

Tëta Tiro pegua kuña reta yogüeruta mbota ndive, nemoñerata mboroparareko re oikokatu yae vae reta.

SALMOS 72:8

¡Togüɨnoi mbaepuere ɨguasu güive ïru ɨguasu kotɨ, jare ɨ̈aka Éufrates güive ketɨ ɨvɨ iyapɨ kotɨ!

SALMOS 80:12

¿Maera pa ikësea opa remboai, jare remaeño oipoo iagüe, jokoropi oasa vae reta?

ÉXODO 34:24

Echa che amoëta amombo tëtaguasu reta pepɨte güi, jare ambotuichata peɨvɨ; jare ngaraa metei ave opɨ̈ro peɨvɨ, peo yave peñeñono peYa Tumpa jóvai mboapɨ ye año pe.

ISAÍAS 23:1

Tiro maratuta vae regua: Peräse peyaeo barco Tarsis pegua reta, echa tëta Tiro opa oyemboai, mbaetɨ jembɨre o ave yepe, barco reta iyemboɨa opa vi oyemboai, Quitim kotɨ güi omombeu reta chupe.

EZEQUIEL 19:11

Jäka reta ipoguasu, chugüi oyeapo mburuvicha guasu reta ipo peguarä; okuakuaa ɨvate ïru reta güi, oyekuaa katu ɨvate jeko pegua jare jäka jeta jeko pegua.

AMÓS 1:9

YandeYa jei körai: “Tiro pegua reta iyoa yae jeko pegua, mbaetɨta cheɨ̈ro chupe reta; echa ïru tëta ndive oyapo reta tëi yemongeta kavi reve opa oipɨɨ reta güɨraja omee Edom pegua reta pe, mbaetɨ imaendúa reta jókuae morogüɨrökuavee päve oyapogüe re.

NÚMEROS 24:7

Oyekou retata ɨ re, iñemuña reta ñogüɨnoita ɨ katu pe. Juvicha guasu güɨnoita mbaepuere Agag re; jare iporookuaía tuicha yaeta.

San Lucas 7:5

Echa jae oaɨu ñanerëtaguasu jare oyapo oreve metei tupao.

DEUTERONOMIO 20:11

Jókuae tëta pegua reta oipota mbɨakatu yave, jare omaeño peike jëta pe yave, ikavita ombaemboepɨ vaerä peve jare perembiokuairä.

1 SAMUEL 10:27

Ërei amogüe jeko kavimbae vae reta jei: “¿Këraita ra kuae yandereepɨ?” Güɨröɨro reta, mbaetɨ güeru reta mbota chupe; ërei jae oikuaambae ramiño oyeapo.