1 REYES 4:33 - Biblia Guarani Tumpa Iñee

³³ Imiari vi ɨvɨra reta re jare ñana re, ɨ̈vɨrare Líbano pegua güive ñana ovapetea regua re; imiari vi mɨmba reta re, güɨra reta re, ipɨtía re oguata vae reta re jare jevae ɨ rupigua reta re.

1 REYES 4:33 ပူးပေါင်းရင်းမြစ်များ

SALMOS 92:12

Jupi vae reta ipotɨ karandaɨ rami, okuakuaa ɨ̈vɨrare Líbano pegua rami.

SALMOS 51:7

Chetɨo ñana hisopo pe, jare taiko chekɨambae; cheyoe, jare taiko iroɨ tïiasɨ vae rami;

2 REYES 19:23

Neñee jerajaa reta rupi neñeeasɨ katu chekotɨ. Rere: ‘Jeta yeyé chekäretou reta ramo ayeupi ɨvɨtɨ guasu reta iyapɨte re, Líbano pe ɨvɨtɨ ɨvate yae vae re. Ayasɨa iɨ̈vɨrare ɨvate yae vae reta, ɨvɨra pino jee vae ipöra yae vae. Aja aväe ɨvɨtɨ reta iyapɨte re, kaa reta mbaepotɨ renda reta ramía pe.

Hebreos 9:19

Echa Moisés opa güire omombeu Israel pegua reta pe opaete mborookuai reta, jayave oiporu toro taɨrusu vae reta jugüɨ jare kavara kuimbae reta jugüɨ, ɨ, vecharaagüe oñemopɨ̈tagüe jare ñana hisopo, pɨpe oñapiramo tembikuatía jare opaete vae reta,

NÚMEROS 24:6

Ɨ osɨrɨ vae rami ñogüɨnoi, ko raɨ ɨ̈aka jembeɨ pe oï rami, temitɨ áloe yandeYa oñotɨgüe rami, ¡ɨ̈vɨrare ɨ jembeɨ pe oï rami!

NÚMEROS 19:18

Javoi kuimbae ikɨambae oï vae toipɨɨ ñana hisopo, jare tomopöe jókuae ɨ pe, jare toñapiramo o guakapi pegua re, jare opaete mbaembae pɨpegua re, jare opaete joko pe ñogüɨnoi vae reta re, jare kia ikägüegüe oyavɨkɨ vae re, ani tëogüe ñana pe oï vae, kɨsepuku pe omano vae, ani omanoi vae, ani tɨvɨa re vae.

ÉXODO 12:22

Jare peipɨɨ metei yokuaa ñana hisopo jee vae, jare pemoäkɨ mbaerugüɨ ɨvɨñae pe oï vae pe, jare peipichɨ ɨvɨra öke iarambogua re jare öke iyɨke yɨke pe oï vae re; jare agüɨye metei ave toë jo jöke güi köe regua.

LEVÍTICO 14:51

Jare toipɨɨ ɨ̈vɨrare, ñana hisopo jee vae, temimonde pɨ̈ta vae jare güɨra oikove vae, jare tomoäkɨ güɨra oyeyuka vae jugüɨgüe pe, jare ɨvɨyapepo pe ɨ osɨrɨ vae oï vae pe, jare toñapiramo chiu ye jókuae o.

1 REYES 4:32

Oyapo tres mil ñee arakuaa katu pegua jare mil cinco tairari reta.

1 REYES 4:34

Jare Salomón iyarakuaa katu oendu reta vaerä yogüeru opaete tëta ñavo kotɨ güi, opaete mburuvicha guasu reta ñogüɨnoia ñavo kotɨ güi, iyarakuaa katu jërakua ojo oväea kotɨ güi.

CANTARES 4:8

Eyu che ndive Líbano güi, chemenda ïrurä vae; eyu che ndive Líbano güi. Emae ɨvɨtɨ Amana iyapɨte güi, ɨvɨtɨ Senir jare Hermón iyapɨte güi; yaguapope reta ikua reta güi, yaguapara reta iɨvɨtɨ guasu reta güi.

CANTARES 5:15

itɨmaka reta, okɨta ita mármol jee vae pegua, oguapɨ oro oyeambae vae re rami; puku kavi ɨ̈vɨrare Líbano pegua rami.