1 REYES 4:31 - Biblia Guarani Tumpa Iñee

³¹ Yarakuaa yae ete opaete kuimbae reta güi: Oyapɨraa Etán, Zera iñemuña jare Hemán, Calcol jare Darda, Mahol taɨ reta. Jërakua yae opaete tëtaguasu iyɨ́vɨri rupigua reta rupi.

1 REYES 4:31 ပူးပေါင်းရင်းမြစ်များ

1 REYES 10:1

Mburuvicha kuña Sabá pegua oendu Salomón jërakua kavi yae yandeYa omborɨ vae rupi yave, ou oparandu chupe mbae yavaigüe re ojäa vaerä.

1 REYES 10:6

Jare jei mburuvicha guasu pe: “Añetete yepe aendu cheɨvɨ pe opaete ndembaembae re jare ndearakuaa katu regua vae,

1 REYES 3:12

mase, ko ayapo ndeve reiporu rami: Ko amee ndeve arakuaa katu, mbaetɨi nde rami vae nde ndei reiko mbove, jare ngaraa ye kia opüa nderaɨkue rupi nde rami vae.

1 REYES 5:7

Hiram oendu yave Salomón ñee ombou jei chupe vae, oyerovia yae, jare jei: “¡Toyemboete Tumpa kuae ara, echa omee David pe taɨ yarakuaa katu yae vae, oporookuai vaerä kuae tëtaguasu tuicha yae vae re!”

1 CRÓNICAS 15:17

Levita reta ombojee Hemán, Joel taɨ, jare jëtara Asaf, Berequías taɨ; jare jëtara Merari iñemuña reta güi Etán, Cusaías taɨ;

1 CRÓNICAS 15:19

Otairari vae Hemán, Asaf jare Etán ñogüɨnoi ombopuuka vaerä platillo reta jiero iyu vae pegua.

1 CRÓNICAS 2:6

Zera taɨ reta jae: Zimri, Etán, Hemán, Calcol jare Dara; opaete reve pandepo.

1 CRÓNICAS 6:33

Taɨ reta ndive ñogüɨnoi joko pe vae jae: Coat iñemuña reta güi otairari vae Hemán, Joel taɨ, Samuel jɨmɨmino.

2 CRÓNICAS 9:23

Jare opaete mburuvicha guasu reta oipota yae oecha etei Salomón, oendu vaerä arakuaa katu Tumpa omee chupe vae.

SALMOS 88:1

CheYa Tumpa, chereroasayepe vae, ara rupi jare pɨ̈tu rupi ayerure ndeve.

DANIEL 1:20

Opaete yemboe arakuaa pegua re mburuvicha guasu oparandu chupe reta vae pe iyarakuaa katu yae reta, oyapɨraa ye payandepo pe opaete ichoropa vae reta jare yasɨ pɨau re jare yasɨtata re güɨrovia vae reta, opaete iporookuaía pe yogüɨreko vae reta.

San Mateo 12:42

Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave yogüɨreko vae reta. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón güi vae.

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

San Lucas 11:31

Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave kuimbae reta yogüɨreko vae. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón güi vae.

Colosenses 2:3

Echa Cristo re oñeväe opaetei arakuaa reta.