1 REYES 4:29 - Biblia Guarani Tumpa Iñee

²⁹ Jare Tumpa omee arakuaa katu Salomón pe oikuaa yae vaerä jeta mbaembae, ɨguasu jembeɨ pe jeta ɨvɨkuitï oï rami.

1 REYES 4:29 ပူးပေါင်းရင်းမြစ်များ

GÉNESIS 41:49

José omboɨru jeta yae trigo, ɨguasu jembeɨ rupi ɨvɨkuitï oï vae rami; jare jeta yae vae jeko pegua mbaetɨ oyepapa, echa yaipapa rapeä mbaembae reta.

1 REYES 3:12

mase, ko ayapo ndeve reiporu rami: Ko amee ndeve arakuaa katu, mbaetɨi nde rami vae nde ndei reiko mbove, jare ngaraa ye kia opüa nderaɨkue rupi nde rami vae.

1 REYES 3:28

Jare opaete Israel oendu jókuae mburuvicha guasu oyapo morojäa vae regua; jare okɨɨye reta mburuvicha guasu güi, echa oecha reta oime ko jese Tumpa iyarakuaa oporojäa vaerä.

1 REYES 4:20

Ɨvɨ Judá jare ɨvɨ Israel pegua reta jeta yae ko, ɨguasu jembeɨ pe jeta ɨvɨkuitï oï rami. Mbaetɨ oata tembíu jare iɨguarä, oyerovia katu yogüɨreko.

SALMOS 119:32

Ndeporookuai reta jeigüe ayapo jarembae voi, yerovia katu pe remotɨnɨe chepɨa yave.

SALMOS 119:34

Emee arakuaa cheve ayapo vaerä ndeporookuai reta, ¡jare tayapo opaete chepɨa ndive!

PROVERBIOS 2:6

Echa yandeYa ko omee arakuaa katu; mbae yaikuaa vae jare arakuaa katu chugüiño ko ou.

ECLESIASTÉS 1:16

Jayave jae cheyeupe: “Che chetuicha yae aï jare chearakuaa yae opaete tenonde rupi yogüɨreko mburuvicha guasurä kuae Jerusalén pe vae reta güi; chearakuaa yae opaete mbaembae pe.

ECLESIASTÉS 2:26

Echa Tumpa ko omee arakuaa katu, yemboe tuichagüe, jare yerovia katu jae ipɨakatu omae jese vae pe; ërei iyoa vae pe omee mbaravɨkɨ, jeta mbae oeka jare omboatɨ vaerä, jaɨkue rupi jae omee vaerä ombopɨakatu vae pe. ¡Kuae mbaeä etei vi, yayemoambekoiño ma ko jese!

ISAÍAS 60:5

Reechata jare reyerovia yaeta, nepɨakañɨ yaeta; echa güeru retata ndeve mbaeyekou reta tëtaguasu reta ɨguasu jembeɨ rupigua güi, güeru retata ndeve ïru tëtaguasu reta imbaeyekou reta.

JEREMÍAS 33:22

Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

HABACUC 1:9

Ojoa rupi opa oporomboai; jenondeve okɨɨye voi ma ñogüɨnoi, jeta yae tembipɨɨ oyapo, ɨguasu jembeɨ pe ɨvɨkuitï oï rami.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.

Santiago 3:17

Ërei arakuaa Tumpa güi ou vae, ikɨambae ko, ipɨakatuta ko, iporoaɨu ko, ipɨakavi ko, iporoparareko ko jare oyapo ikavigüe. Oporombotavɨmbae jare mbaetɨ jova mókoi.

JUECES 7:12

Jare Madián iñemuña reta, jare Amalec iñemuña reta jare kuaraɨ oëa kotɨgua reta, oñemoai ɨvɨpe kavi rupi, tuku jeta yae vae rami, jare jɨmba camello reta oyepapa rapeä, ɨguasu jembeɨ pe ɨvɨkuitï jeta yae rami.